Luka 13 मधील लोकप्रिय बायबल वचने

सामायिक करा

“Ɛ́mɔpere béwura anoa bɔtɔfee ne anu! Na mekã mekyire ɛmɔ kyɛ, mmenia pee bɛkɔpena kyɛ bekowura nu ɔ, na bɛngɔhora.

Né braa bie wɔ berɛ bɔ sunzum bie afa anwonyerɛ ato ye so afoɛ buru ne mmɔtwɛ ɔ; né ye nu akondo bɔ ɔngora ye nu tengyɛ koraa po ɔ. Na Yesu nwuni ye ne, ɔfrɛle ye sele ye kyɛ, “Mmobraa, wɔ nwo asande wɔ afi w’anwonyerɛ ne anu!”

Na ɔfale ye sa guale ye so, na berɛ ne ala ye nu tengyɛle, na ɔyele Nyameɛ ayɛ.

Na ɛ́mɔtie, ebiemɔ wɔ berɛ bɔ baha nziɛ bɔ bekoli moa ɔ; yeɛ ebiemɔ wɔ berɛ bɔ bali moa bɔ bɛkɔha nziɛ ɔ.”

Na sɛ awuro ne mene dwɔso to anoa ne anu pɛ a, yeɛ ɛmɔkɔhyɛ ye bo bekogyina ye si ɔ, na ɛmɔkɔbɔ anoa ne anu bɛkɔhã kyɛ, ‘Yɛ Mene, Yɛ Mene, bukye anoa ne ma yɛ.’ Na okobua ɛmɔ kyɛ, ‘Menze nekaa bɔ ɛmɔfi ɔ.’

Daabi, na mekã mekyire ɛmɔ kyɛ, sɛ ɛmɔanzakyera ɛmɔ adwene a, sɔ ala yeɛ ɛmɔkowu ɔ.”

Na okose kyɛ, ‘Mekã mekyire ɛmɔ kyɛ, menze nekaa bɔ ɛmɔfi ɔ. Ɛ́mɔfi me so bɛhɔ, ɛmɔ amukoraa bɔ ɛmɔyɔ bɔ ɔndengyɛ ɔ!’

Na Yesu bisale kyɛ, “Nyameɛ ahennie ne, sɛɛ yeɛ ɔte ɔ, na nzikyɛ anwo yeɛ ngɔfa ngɔtoto ɔ? Ɔte kyɛ sinapi baa ko bɔ biaa bie fa ooluale ye wɔ ye bondua boo nu ɔ. Onyini yɛle bakaa piri, na ewienu nnomaa bɛnwone bɛ saen wɔ ye mmaen nemɔ aso.”