Kîam 27 मधील लोकप्रिय बायबल वचने

सामायिक करा

Ngai arokuurîria îme kuuma îgûrû na anorie mîgûnda yaku! Arokûva irio nyîngî na ndivei! Andû a ndûrîrî marotuîka ndungata ciaku na makwînamagîrîre. Ûrotuîka wa kwathaga aa mûrwanyûkwe, nao onthe marokwînamagîrîra. Arîa onthe magaakûrumaga maronyitwa nî kîrumi na arîa magaakûrathimaga marorathimagwa!”

Esaû nîwaugire atîrî, “Rîrî nî rita rîa kaîrî rîake rîa kûmveenia. Nîkîo etagwa Jakovu. Nîwocire ûrikithathi wakwa, na rîu nîwoca kîrathimo gîakwa. Vava, ndûnandigarîria kîrathimo?”

Nake îthe Isaka nîwamwîrire atîrî, “Ûgaatûûraga kûraca na ûnoru wa gûkû nthî, kûndû kûraca na kûrîa kuuraga mbura. Nîûtûûra ûrûaga na ûrî ndungata ya mûrwanyûkwe, nwatî rîrîa ûkaaregana nake nîûkaagîa na wîyathi, na ndagaakwatha rîngî.”

Esaû nîwathiîre na mbere kûthaitha îthe akîmwîraga atîrî, “Nîkwa ûrî na kîrathimo kîmwe tu, Vava? Wa nanie ndathima!” Esaû nîwatumûkire na kîrîro kînene.