YOHANES 14 मधील लोकप्रिय बायबल वचने

सामायिक करा

Karal᷊unsemahẹ̌ Takụ itěntang baugʼi kamene. Karal᷊unsemahẹ̌ Takụ ionggọ si kamene. Takụ nilaonggọ e wal᷊inewe kere nilaonggọ u dunia e si kamene. Abe pěmpẹ̌taghiawahẹ̌ dingangu abe kěngkatakụ.

Mawu Yesus simimbang, ”Iạ e kai ral᷊eng mẹ̌deạu makakiral᷊a Mawu Ruata ringangu makahombang pẹ̌bawiahẹ̌. Tawẹu sarang sěngkatau makarěnta su anung Amang-Ku, kereu wal᷊inewe wọu Anu-Ku.

”Naung i kamene abe taghiawahẹ̌,” ungkuěng u Mawu Yesus si sire. ”Pangimangko su Mawu Ruata, ringangu pangimangbe lai si Siạ.

Arawe Rohkẹ̌ u Ruata e, mẹ̌tatul᷊ung sarung irolohi Amang su ral᷊ungu areng-Ku, kụ kai i Sie sarung maněntiron patikụ e si kamene ringangu mapẹ̌tahěndung i kamene kapia su kěbị apan seng Takụ nipaul᷊ị si kamene.

I sain dụdaẹ manga tita-Ku e ringangu mẹ̌sẹ̌sěmpị ene, ute i sie kụkěndagʼu Iạ e. I Amang-Ku e sarung kuměndagi saing kụkěndagʼu Iạ. Iạ e lai sarung kuměndagi sie ringangu měnodẹ u watangeng-Ku e si sie.”

Iạ e sarung mẹ̌gausẹ̌ si Amang, kụ i Sie sarung mangonggọ u Mẹ̌tatul᷊ung bal᷊ine kụ sarung mẹ̌tumanạ dingangi kamene sarang marěngụ-děngụ. I Sie ute kai Rohkẹ̌ u Ruata kụ sarung mělahẹ u kaadilʼu Mawu Ruata. Dunia e tawe makatarimạ i Sie, ual᷊ingu ta makasilo arau ta nakakiral᷊a. Arawe i kamene masingkạben Sie, u i Sie kai mạtanạ dingangi kamene dingangu i Sie sarung masěmbaụ dingangi kamene.

Kụ balạewe apan dorongang i kamene su ral᷊ungu areng-Ku e, ene Takụ koateng baugi kamene, tadeạu i Amang e iapakawantugẹ̌ e ual᷊ingu Ahusẹ̌ e. Kụ balạewe apa rorongang i kamene su ral᷊ungu areng-Ku e, ute sarung Takụ koateng,”

”Kereu i kamene kụkěndagu Iạ e ute i kamene sarungbe mẹ̌děndal᷊engu manga parenta-Ku.

Su wal᷊eng Amang-Ku e lawọ katatanakeng. Iạ e kai rumal᷊eng měndiahing tampạ baugʼi kamene. Iạ e tawe mẹ̌bera kerene si kamene, andene wal᷊inẹbe kerene.

Samurin Iạ tamai měnạdian tampạ baugʼi kamene, Iạ e sarung mẹ̌bal᷊ị kụ maněnsomahẹ̌ si kamene, tadeạu suapan Iạ ene, i kamene mal᷊aing sene.

Mase i Tomasẹ̌ nẹ̌berạ e su Mawu Yesus, ”Mawu, i kami e wẹ̌gawen dal᷊engangu e, kụ makakasingkạben dal᷊enge kereapa i kami?”