Zan 19 मधील लोकप्रिय बायबल वचने

सामायिक करा

Bà Zezi wi 'ki suɔn gè, a wi 'jo: «Kele ke mìɛni 'fori !» Nɛ́ fali nɛ̀ nyùgo cùungu gè, nɛ̀ kùu.

Bà tire 'tóri dè, bà Zezi wi cé ki cɛ́n píra ŋáà wè kele ke mìɛni kúɔ nɛ̀ láʔa gèle, a wi 'siɛnrɛ juu gìi ki bé tí Kulocɛliɛ siɛnsɛbɛrɛ ti- fori dè. A wi 'jo: «Luʔɔwuʔɔ yē mi nɛ̄  !»

Bà Zezi wi 'wi yàa nyaa wè, nɛ́ pìtɛnmɛwɛ ŋáà wi cé wi dɛ́ni wè yériwe wi táanni wè, a wi 'juu nɛ́ wi yàa ní wè nɛ́ wi yɛ: «Cɛliwɛ, muɔ jaa wi ŋɛ.» Nɛ́ yiʔɛ nɛ̀ pìtɛnmɛwɛ yɛ wè: «Muɔ yàa wi ŋɛ.» Nɛ̀ líɛ kire cɛngɛ nɛ̄ gè, a pìtɛnmɛwɛ wi 'wi kɔ́ri nɛ̀ kɛ́ wi kpáa mɛ́.

Bà pe sɛ́nì nɔ̀ Zezi nɛ̄ wè, nɛ̀ wi nyaa wi 'kùu nɛ̀ kúɔ, piyè wi kàsɛniyɛ kabari yèʔ. Kire nɛ́ ki mìɛni a kapiɛngbuɔnwɔ wáà 'wi tàbɛ tíʔɛ wè nɛ̀ wi súu nɛ̀ fùru lìʔɛlɛ nī lè. A sìsiɛn nɛ́ luʔɔ 'fali nɛ̀ yiri sɛni.

Kele gálì keli 'kpíʔile gìi ki bé tí Kulocɛliɛ siɛnsɛbɛrɛ ti- fori; ti 'jo: Wi kácege káà sì je ga kaaʔ . A Kulocɛliɛ siɛnsɛbɛrɛ ti ń'nɛ̀ ki juu tiʔɛ káà nī nɛ́ jo: Ŋàa pe 'súu nɛ̀ fùru wè, wire pe bága de wéli .

A Zezi wi 'wi tiiparigɛ tugo gè wire tíimɛ wè, nɛ̀ kɛ́ tiʔɛ gíì mɛ́ pe ye Ngorilo tiʔɛ gè; eburu siɛnrɛ nī dè pe nɛ̂ ki yeri nɛ̀ jo Gɔligota.

A kapiɛngbuɔnnɔ pe 'wíire ndɔ̀ngɔ tìin ki ní kùlofɔli wuʔu tíɛlɛ nɛ̀ ki tɔ́n Zezi nyùgo nɛ̄ gè, nɛ́ burugbuʔɔ nyìʔɛ le wi nɛ̄.