1 करिंथकरांस 2 मधील लोकप्रिय बायबल वचने

सामायिक करा

तरी शास्त्रलेखात लिहिल्याप्रमाणे: “जे डोळ्यांनी पाहिले नाही, जे कानाने ऐकले नाही, माणसाच्या मनात आले नाही,” अशा सर्वगोष्टी जे लोक परमेश्वरावर प्रीती करतात त्यांच्यासाठी परमेश्वराने सिद्ध करून ठेवल्या आहेत.

परंतु जो मनुष्य आत्मिक नाही, तो परमेश्वराच्या आत्म्यापासून आलेल्या गोष्टी स्वीकारीत नाही, कारण त्याला त्या मूर्खपणाच्या वाटतात, त्याला त्या समजणार नाहीत, कारण त्या गोष्टी परमेश्वराच्या आत्म्यानेच पारखल्या जाऊ शकतात.

परमेश्वराने आपल्याला त्यांच्या आत्म्याच्याद्वारे या गोष्टी प्रकट केल्या आहेत. कारण परमेश्वराचा आत्मा हा सर्व गोष्टींचा, परमेश्वराच्या अत्यंत गहन गोष्टींचा देखील शोध घेतो.

आपल्याला जगाचा आत्मा मिळाला नाही, परंतु जो आत्मा परमेश्वरापासून आहे तो मिळाला आहे, यासाठी की परमेश्वराने आपल्याला जे विनामुल्य दिले आहे, ते आपण समजून घ्यावे.

माझे संदेश व उपदेश ज्ञान किंवा शहाणपणाच्या शब्दाचे नव्हते, तरी पवित्र आत्म्याच्या सामर्थ्याचे प्रमाण देणारे असे होते. यासाठी की तुमचा विश्वास मानवी ज्ञानांवर आधारलेला असू नये, तर परमेश्वराच्या सामर्थ्यावर असावा.