1 करिंथकरांस 3 मधील लोकप्रिय बायबल वचने

सामायिक करा

तुम्ही स्वतः परमेश्वराचे मंदिर आहा आणि परमेश्वराचा आत्मा तुम्हामध्ये वस्ती करतो हे तुम्हाला माहीत नाही का?

जो पाया अगोदरच घातलेला आहे, जे स्वतः येशू ख्रिस्त आहे, त्याव्यतिरीक्त दुसरा पाया कोणालाही घालता येणार नाही.

पेरणारा किंवा पाणी घालणारा कोणी काही नाही, तर फक्त परमेश्वरच जे त्याची वाढ करतात.

आम्ही परमेश्वराच्या सेवेतील सहकारी आहो. तुम्ही परमेश्वराचे शेत आहा, परमेश्वराची इमारत आहा.

तर त्या प्रत्येकाचे काम जसे आहे तसे दिसेल, कारण तो दिवस ते प्रकाशात आणेल. अग्निद्वारे ते प्रकट होईल, प्रत्येकाचे काम कसे आहे हे अग्निने पारखले जाईल.

जो पेरतो व जो पाणी घालतो त्यांचा हेतू एकच आहे आणि त्या दोघांनाही त्यांच्या श्रमाचे प्रतिफळ मिळेल.

तुम्ही स्वतःची फसवणूक करून घेऊ नका. जर तुमच्यापैकी कोणी या युगाच्या रितीप्रमाणे स्वतःला ज्ञानी समजत असेल, तर ज्ञानी होण्यासाठी त्याला “मूर्ख” व्हावे लागेल