Ayat Alkitab yang Popular daripada Madius 6

Kongsi

Akumu upyi hup aijaua, um ahilek nelcau o Atua im nedo atoh o un; uhpu alupai caua nitai iji eigki asega.

Jim aktaktai alupas aijaua vaig imraig: uhpu aktaktai imraig va niji itai iran. Et eteuc niji itai has irai iji adiat.

Va nitai ineigki ek asaig ehelemia ainyak mika, Akumu jim aktaktai numumoh unyimia aijaua, im nitai caig unyimia, im nitai umni unyimia; um jim aktaktai nohumia, im nitai aso caua. Et esjilid numumoh unyimia aijaua irai itai hegaig, im nohumia irai itai aso caua.

Na wit alaigaheni aiek, apan anliin neom unyum um atapanes iram, um alaigaheni vai Etmam et adenai yin aien; etpu alupai euc nimtan a Etmam et alum itai aien an nuarin adenaig o un, um eti adenaig.

Etmu ucce nalaigaheni unyimia aijaua: Ak Etmama an nohatag, Etmu itaup nidam. Etmu yetpam nelcau unyum. Uhmu imyiaiji intas unyum an nobohtan, et idivaig an nohatag.

Alaama aiek nitai caig incama an nadiat ineig.

Um jim aru tah nedo has unyima aiek, et idivaig ecra eti aru tah nedo has o atimi vai cama aijama.

Um jim atau irama an nedo oop aiek, jam imyiatamaig cama va niji itai has. Et idim unyum aiek nelcau, im nemda, im nimyiahpas, irai iji mesese. Emen.

El eka eti aru tah nedo has o atimi vai caua aijaua, inyi ti aru tah nedo has unyimia a Etmamia an nohatag

Alum man an nauanohatag aijaua: era eti ahoai itai ara, um eti asjapicnai itai, um eti ikni irai eom ikni itai; ja et alaa ra nitai caig a Etmamia an nohatag. Eka esjilid ira ra aijaua.

Jim ikni inpadiaig imi caua aijaua an nobohtan, etpu ages, um epera, um has; erupu lep ahtaijhan neom a ilpu atimi ehneg itai um ahneg: jam ikni niji itai upene imi caua aijaua an nohatag, inyi ti ages, um eti epera, um eti has; eri ti lep ahtaijhan neom a ilpu atimi ehneg itai um ahneg: etpu amen inliinmopomia aijaua an nuarin ineig, et amen inpadiaig unyimia iran.

Et ehka vaig tah natimi nahecavaig u natimi alupas ero: etpu acen inliinmopon aien vaig et ethi, um aiyu inliinmopon vaig et ethi; etpu apol iran et ethi aien, um amcel vaig et ethi. Et ehka vai caua nahecavaig o Atua im Mamona.

El et ucce nedo o Atua, va nefelelicai an nobohtan, et umoh inpeig, ja er erekhaigjai an cop an tak apnyin, etpu idim aso caua aien, et tintin nimyiisjis ninivaijec unyimia.

Na wit ahtai niji itai tup ahtai aiek, etmu jim ato nikmam inmoum nitai ineig et ago inmatam: va uhpu adenaig niji itai tup ahtai unyum vai atimi: etpu idim alupai euc nimtan a Etmam et alum itai aieu an nuarin adenaig o un, um eti adenaig.

Akumu jim ago nedo upene unyimia aijaua an nuhup o atimi, mika eri alum caua ara: el eka ago nedo ineigki aijaua, inyi ti alupai caua nimtan a Etmamia an nohatag.

Im lep ineig, aku wit atwakam aijaua, jim imtimlai va nesganimtamia aijaua um idivai ilpu atimi efaifa: era auahas nesganimtara ara, mika eri ika atimi era atwakam ara. Et inivaijec ineig ek asaig ehelemia ainyak mika, Era mun leh nimtan imi ra ara. Na wit atwakam aiek, aspi nipek unyum an naraki, um ehperegdei nesganimtam; mika eri jim ato natwakam unyum atimi, ja Etmam ache an nuarin adenaig o un: etpu alupai euc nimtan a Etmam et alum itai aien an nuarin adenaig o un, um eti adenaig.