Ayat Alkitab yang Popular daripada Saint Matthieu 6

Kongsi

Da oui ti nza bilkaou a Ouone da ndingna guédék nè ti dambèl, da yé kè ma ndé hi fèn aïnli bon hi oui kéng.

Oui bi hang baï baï yépélé ya; baï ko̱ yépélé ma nza fèn amè fènè. Hou mbi a séssé mbéo mapélékè baï séssé on.

Mono on, mè sa hi oui: Oui bi hang baï toul yana baï ya, ba yé oui ma son ba fèn lé, maléba oui ma njo ba fèn lé, maléba toul kli‐mone baï ya, ba yé oui ma bou ba fèn lé. Baï ko̱ yana mi ta laka da kli‐mone baï mi ta la ya lé?

Da mo, ko̱ mome hiou Ouone, mo sé guè bil sèssèdè voulo̱ ka tou njaka mboro no bi rou, da hiou Baba no ko̱ makaou ka foli; da Baba no ko̱ ko̱ ka foli, yé kè hi toul ndo̱ko̱ hi mo.

Mono on, mahana on ouime hiou Ouone: Baba ama ko̱ mi kaou an nonkala! Ling‐o̱ mi wal bi baï diknakè. An bilkaou amo mi gui; baï an fènli mi kaou mara fal toulo̱ an koukoula mahana ka ba an nonkala.

Mo pi tarou name bon hi na

da yèng bi mboro békéfèn na mahana ko̱ na mi ndé yèng bi mbora kli on ko̱ mi nding békéfèn jing na kéng

da yèng na sé guèl yaknafèn ya, da lé mbèla an kè on ko̱ ba békékè. Baï bilkaou ba amo, da njèran da jonafèn, kambèlè Amen!

Baï ko̱ tokoré ouime yèng bi mboro békéfèn a njoukouli, yé Baba abaï an nonkala ma ndé yèng bi mboro békéfèn abaï kéng

Oui ko̱ko̱ ndoïli an nonkala: baï ko̱ kli tane ga mèn ya, maléba kli tane lourou ya, maléba kli tane ndoï kon poul ya; da Baba abaï an nonkala mi hi laka hi kli. Da ouime bèl honta kli ya lé?

Oui mang nguèra an toula koukoula baï abaï ya, guèl ko̱ sènssènè mi noung da mba nguèkèra, da guèl ko̱ njou‐riyali mi go̱ro̱ fèn ka ri fèn; da oui mang nguèra a baï fèn baï an nonkala, da guèl ko̱ sènssènè mi noung ya, da mba nguèkèra ya, da guèl ko̱ njou‐riyali mi tane ga go̱ro̱ fèn ka ri fèn ya. Baï ko̱ guèl ko̱ nguèra no mi yé go̱ro̱ amo mi ndé na rou kéng.

Njoukouna mbéo tane ma baï ndingna bakara hi njou‐to̱ko̱nafènli séré ya, baï ko̱ kè ma jèk aïn mbéo, da sé hang kènkè; maléba kè ma ba bako̱la jing aïn mbéo, ka pong kènkè. Oui tane ma baï ndingna bakara hi Ouone da nguèra kéng ya.

Da tokoré Ouone mi hi bèla fèn bouna on hi pa an woropa, ko̱ mana kassénaï, da ko̱ yépélé mi wou kli kon hèlè, mono, kè ma hi la hi oui baï bounakè nyèta guèbambèl ya lé? Oui njoukouli jing tounassaon nyè ya.

Da ko̱ mome hi toul ndo̱ko̱, oui yèng an mboro waïn ndo̱ko̱ mi tane tou fèn ko̱ mboro wonron ndo̱ko̱ mi nding ya, an mome hi toul ndo̱ko̱ ka foli; da Baba no ko̱ ko̱ ka foli, yé kè hi toul ndo̱ko̱ hi mo.

Oui pèng mone baï bèlta an ouime nding ndingna guédék abaï an nona njoukouli ya, baï an klime ko̱ oui; maléba ouime nding on, yé oui pènrèn toul ndo̱ko̱ abaï jing Baba abaï ko̱ kaou an nonkala.

Da ko̱ ouime chang laka, oui gok none baï mahana ka njou‐mongnafèn ya, baï ko̱ kli komo none kli toutoul, baï to̱ko̱na hi njoukouli ba kli chang laka tou. Babaï, mi mè sa hi oui, kli ya ko̱ko̱ akli o̱tou. Da mo, ko̱ mome chang laka, mo bi nome toulo̱, ka tourou nono, da on, mo mi to̱ko̱ hi njoukouli ya ko̱ mo chang laka, da ba Baba no ko̱ makaou ka foli, da Baba no ko̱ ko̱ ka foli, yé kè hi toul ndo̱ko̱ hi mo.