Ayat Alkitab yang Popular daripada Lukab 3

Kongsi

Hoaraga khoen ge ǁāǁnâhes khaoǃgâb ge Jesub tsîna ge ǁāǁnâhe. Ganupeb ra ǀgore hîab ge ǀhomma ge ǁkhowa-amsen, tsîb ge ǃAnu Gagaba sorosi īsib ǃnâ, ǂnabus khami ǁîb ai ge ǁgôaxa. ǁNātimîsi i ge dom-e ǀhomma xu ge mî: “Sats ge ti ǀnamǀnamsa ǀGôats, ǃgâiǃgâibasensa ta ūǃnâ hâtsa.”

ǁNās aib ge Johaneba ǁîn hoan ǃoa ge mî: “Tita ge ǁgam-i ǀkha ra ǁāǁnâ du, xawe tita xa kaib ge ǃgoaxa, ǁîb di ǀkhapudi ǃhâuroga xores tsîna ta anu tamaba. ǁÎb ge ǃAnu Gagab tsî ǀaes tsîn ǀkha nî ǁāǁnâ du.

Sago ûiǀgaub ǀkha ǁgauǂui ǃhobasen go hâ ǃkhaisa. Î tā ǁî-aitsama mîtsoatsoa ‘Abrahamma da aboxa ǁgûse ūhâ’ ti. Mîba du ta ge ra Elob a ǁkhā tsîb nē ǀuina Abrahammi ôan ǃnâ a ǀkharaǀkhara ǁkhā ǃkhaisa!

ǃŌs ge ǀnai ǂhomisase hâ, haide ǃnomab tawa ǁhāǁnâs ǃaroma. Mâ hai-i hîa ǃgâi ǂû-e tani tama-i hoa-i ge ǁhāǂuihe tsî ǀaes ǃnâ nî aoǂgāhe.”

Kēbo-aob Jesajab di ǂkhanis ǃnâ i xoahe hâse: “Dommi ǂgai rab dib ge ǃgaroǃhūb ǃnâ hâ: ‘ǂHomi du re ǃKhūb di daoba, î du ǁîb di daoga ǂhanuǂhanu! ǃGoaǃnāgu hoagu ge nî ǀgapiǀgapihe, ǃnâugu tsî ǃhomgu hoagu ge nî ǂamǂamhe. Gama daogu ge nî ǂhanuǂhanuhe, tsî ǀkhoa daogu ge nî ǂhauǂhauhe. Tsîb ge hoaraga khoesiba Elob di ǃgâiǃōsiba nî mû!’ ”