Ayat Alkitab yang Popular daripada Valumi 2

Kongsi

Mbe, heve munu yo unhiga ndongwa itso na heve un'dita ndongwa kota tsitso, unhotsa kuta ufuluche utyeje nyigo ya Mulungu? Awu unguwubedala wuwuya wake wukomi na lusungu lwake na kutsinda kwake, kuno sinambe utsele kuta uwo wuwuya wake wun'gana wukulongotse uleche ndongwa ntsibi na kumupituchila mwene?

Ihyo manyi unguvahiga vanu vanji na heve un'dita ndongwa tsitso tso van'dita siufuluche wipamane, kwasawuli hila fyo unguvahiga vanu vanji kwa lulongwa loluve na heve mwene ungihiga.

Kwasawuli Mulungu siamuhigaga munu yoyuve kwa wuvagu.

Siyo vanu vala wo vanhulika malajitso wo van'valilwa wuwuya kwa Mulungu. Lechelelo wo van'valilwa wuwuya wo vala wo vanhulika na wovan'dita kota hila majitso fyo gan'gana.

Siku iyo Mulungu akumuhomba chila munu hihila kota fyotsili ng'olwa tsake.

Lechelelo kwa vanu vala wo vansaka ndongwa tsawo vene na vala wo vanguwulema wukweli kwa kufwata ndongwa tsawo ntsibi, iwo Mulungu akuvavipila na kuvahiga.

Lechelelo kwasawuli ya wukangafu wa numbula yako yoyilema kuleka ndongwa ntsibi na kumupituchila Mulungu, ungivichila achiba ya chitowo cha siku yila ya mbipo ya Mulungu yo chila munu akumuwona fyo anguvahiga vanu kwa wuwuya.