Psom 12
12
Ed nou, Segner
Pou sef koral. Servi instriman wit lakord. Enn Psom David.
1Vinn sekour nou, SEGNER!
To bann dimounn lwayal finn disparet;
dimounn onet ek fidel, pa trouv zot mem.
2Dimounn partou nek koz manti;
zot flate ar doub langaz pou tronp zot prosin.
3Ki LESEGNER bous zot labous ki ranpli ar flatri!
Atas zot lalang arogan ki dir,
4“Ar parol dimiel nou lalang, nou gagn seki nou le.
Nou labous dir seki nou anvi, e personn pa kapav aret nou.”
5LESEGNER dir, “Parski bann pov pe soufer;
bann oprime pe plor zot maler,
Mwa mo pou leve, mo pou donn zot proteksion ki zot bizin.”
6Nou fer konfians promes LESEGNER, so parol kler ek prop
kouma larzan, enn metal presie
ki finn pirifie set fwa dan dife laforz.
7Twa, SEGNER, to gard to parol,
protez nou touzour kont sa kalite move dimounn la.
8Bann move dimounn pe rode partou,
e partou koripsion pe gagn plis valer.
လက္ရွိေရြးခ်ယ္ထားမွု
Psom 12: KMNT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Nouvo Testaman Kreol Morisien Harmonisation NTPS KM © Bible Society of Mauritius, 2021.