Psom 13
13
Segner Bondie protez mwa
Pou sef koral. Enn Psom David.
1SEGNER, komie letan ankor to pou bliye mwa? Pou touzour?
Komie letan ankor to pou tourn ledo ar mwa?
2Komie letan ankor mo pou kourbe ar traka?
Komie letan ankor lapenn pou nway mo leker lanwit-lizour?
Komie letan ankor mo lennmi pou dominn lor mwa?
3O SEGNER mo Bondie, reponn mo lapel!
Refer mo lizie briye ar lasante; sinon zot pou ferme ar somey lamor;
4sinon mo lennmi pou dir, “Mo pli for ki li,”
mo bann adverser pou dan lazwa si mo tonbe.
5Mwa mo fer konfians to gran lamour fidel pou mwa;
mo leker ranpli ar lazwa parski to finn sov mwa.
6Mo pou kontinie sant pou LESEGNER
parski li finn touletan bon anver mwa.
လက္ရွိေရြးခ်ယ္ထားမွု
Psom 13: KMNT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Nouvo Testaman Kreol Morisien Harmonisation NTPS KM © Bible Society of Mauritius, 2021.