متّانین رئوایت 1
1
عئسا مسئحئن نسئل شجره‌سی
1ائبراهئم اوغلی، داوود اوغلی
عئسا مسئحئن نسئل شجره‌سی:
2ائبراهئم ائسحاقین آتاسی ائدی،
ائسحاق یعقوبون آتاسی ائدی،
یعقوب یهودا و اونون قارداشلارینین آتاسی ائدی.
3یهودا تاماردان دوغولان پِرِص و زِرَخئن آتاسی ائدی،
پِرِص خِصرونون آتاسی ائدی،
خِصرون اَرامین آتاسی ائدی.
4اَرام عَمّئنادابین آتاسی ائدی،
عَمّئناداب نَخشونون آتاسی ائدی،
نَخشون سَلمونون آتاسی ائدی.
5سَلمون راحابدان دوغولان بوعَزئن آتاسی ائدی،
بوعَز روتدان دوغولان عوبئدئن آتاسی ائدی،
عوبئد یَسّه نئن آتاسی ائدی.
6یَسّه داوود پادشاهین آتاسی ائدی،
داوود اوریانین آروادیندان دوغولان سولِیمانین آتاسی ائدی.
7سولِیمان رِحوبعامین آتاسی ائدی،
رِحوبعام اَبئیانین آتاسی ائدی،
اَبئیا آسانین آتاسی ائدی.
8آسا یِهوشافاطین آتاسی ائدی،
یِهوشافاط یِهورامین آتاسی ائدی،
یِهورام عوزّئیانین آتاسی ائدی.
9عوزّئیا یوتامین آتاسی ائدی،
یوتام آخازین آتاسی ائدی،
آخاز خئزقئیانین آتاسی ائدی.
10خئزقئیا مِنَسّه نئن آتاسی ائدی،
مِنَسّه آمونون آتاسی ائدی،
آمون یوشئیانین آتاسی ائدی.
11یوشئیا یِکونیا و اونون قارداشلارینین آتاسی ائدی،
بو زامان یهودئلری بابئله اسئرلئیه آپاردیلار.
12یهودئلر بابئله اسئرلئیه گدندن سورا:
یِکونیا سِعَلتی‌اِلئن آتاسی ائدی،
سِعَلتی‌اِل زِروبّابئلئن آتاسی ائدی.
13زِروبّابئل اَبئهودون آتاسی ائدی،
اَبئهود اِلیاقئمئن آتاسی ائدی،
اِلیاقئم عازورون آتاسی ائدی.
14عازور صادوقون آتاسی ائدی،
صادوق آخئمئن آتاسی ائدی،
آخئم اِلئهودون آتاسی ائدی.
15اِلئهود اِلئعازارین آتاسی ائدی،
اِلئعازار ماتّانین آتاسی ائدی،
ماتّان یعقوبون آتاسی ائدی.
16یعقوب مریمئن اَری یوسئفئن آتاسی ائدی،
مریمدن ده مسئح آدلانان عئسا دوغولدی.
17بله ده، ائبراهئم پیغمبردن داوود پادشاها قدر اولان بوتون نسئللر، اون دؤرد نسئلدئر؛ داووددان بابئل اسئرلئیئنه قدر اون دؤرد نسئلدئر؛ و بابئل اسئرلئیئندن مسئحه قدر ده اون دؤرد نسئلدئر.
عئسا مسئحئن آنادان اولماسی
18عئسا مسئحئن آنادان اولماسی بله اولدی؛ آناسی مریم یوسئفه نئشانلی ائدی، آمّا اولنمه‌مئشدن قاباق، آشکار اولدی کی، مریم موقدّس روحدان حامئله‌دئر. 19اونون اَری یوسئف، صالح بئر آدام اولدوغونا گؤره، ائسته‌مئردی کی، اونی روسوای اله‌سئن و بو نئیّتده ائدی کی، گئزلئندن اونی بوشاسین. 20آمّا بولاری دوشونَن زامان، ربّئن بئر مله‌یی رؤیادا اونا ظاهئر اولوب، ددی: «داوود اوغلی یوسئف، مریمی اؤزونه آروادلیغا قبول اله‌مکدن قورخما، چونکی اونون قارنیندا‌کی موقدّس روحداندیر. 21مریم بئر اوغول دوغاجاق و سن اونون آدینی عئسا قویاجاقسان. چونکی او، اؤز خالقینی گوناهلاریندان خئلاص الئیه‌جک.» 22بوتون بولار اوندان اؤتری باش‌وردی کی، ربّئن پیغمبر واسئطه‌سی ائنن ددئیی سؤز یرئنه یتئشسئن:
23«باخ، باکئره قیز بویلی اولوب، بئر اوغول دوغاجاق
و اونون آدینی عِمانواِل قویاجاقلار،»
کی معناسی بودور: تاری بئز ائنن‌دئر. 24یوسئف یوخوسوندان اویاناندان سورا، ربّئن مَله یئنئن بویوردوغی کئمی اله‌یئب، آروادینی قبول اله‌دی. 25و ائلک اوغلونی دوغانا قدر مریم ائنن یاخینلیق اله‌مه‌دی؛ و اونون آدینی عئسا قویدی.
လက္ရွိေရြးခ်ယ္ထားမွု
متّانین رئوایت 1: CAB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company