متّانین رئوایت 2
2
موغلارین زئیارتی
1عئسا هئرود پادشاهین گونلرئنده، یهودئیه‌نئن بیت‌لِحِمئنده آنادان اولان زامان، شرقدن موغلار اورشلئم شهرئنه گلئب ددئلر: 2«آنادان اولموش یهودئلرئن پادشاهی هاردادیر؟ چونکی اونون اولدوزونی شرقده گؤردوک و گلمئشئک کی، اونی پرستئش اله‌یک.» 3هئرود پادشاه بونی اشئدن واخت پرئشان اولدی و بوتون اورشلئمئن اهالئسی ده اونونان پرئشان اولدولار. 4هئرود خالقین بوتون باش کاهئنلر و تؤورات موعلّئم‌لرئنی بئر یره ییغیب، اولاردان مسئحئن هاردا دوغولاجاغینی سوروشدی. 5اولار دا اونا ددئلر: «یهودئیه وئلایتئنئن بِیت‌لِحِم شهرئنده، چونکی پیغمبرئن واسئطه‌سی ائنن بله یازیلیب:
6و سن، ای بِیت‌لِحِم شهری کی یهودا وئلایتئنده سن،
یهودا رَیئسلرئنئن آراسیندا، هچ ده کئچئک دیئلسن.
چونکی سندن بئر رَیئس ظوهور اِلئیهجک کی،
منئم خالقیم ائسرایئله چوبان اولاجاقدیر.»
7او زامان هئرود موغلاری گئزلئندن چاغیریب، اولاردان اولدوزون نه واخت چیخدیغینی سوروشدی. 8و اولاری بِیت‌لِحِم شهرئنه گؤندَ‌رئب، ددی: «گدئن و اوشاغین حاقّیندا دئقّت ائنن آختارین. اونی تاپدیغیز زامان منه خبر ورئن کی، من ده گلئب، اونی پرستئش اله‌یئم.» 9اولار پادشاهین سؤزونی اشئدئب، یولا دوشدولر. شرقده گؤردوکلری اولدوز اولارین قاباغیندا گدئردی؛ او قدر کی، گلئب اوشاغین اولدوغی یرئن اوستونده دوردی. 10اولار دا اولدوزی گؤردوکلری زامان بؤیوک شادلیق ائنان حددن آرتیق سِوئندئلر. 11اولار اِوه گئرئب، اوشاغی آناسی مریم ائنن گؤردولر و یِره دوشوب، اونی پرستئش اله‌دئلر. اوندان سورا خزئنه لرئنی آچیب اونا قیزیل، بوخور و مور هدئیّه‌لری تقدئم اله‌دئلر. 12و رؤیادا اولارا تاری طرفئندن ائخطار ورئلدی کی، هئرودون یانینا قاییتماسینلار. اولار دا آیری یولدان اؤز مملکتلرئنه گتدئلر.
مئصئره قاچماق
13موغلارین گتمه سئندن سورا، ربّئن بئر مله‌یی رؤیادا یوسئفه ظاهئر اولوب، ددی: «دور، اوشاق و آناسینی گؤتور و مئصئره قاچ. من سنه خبر وِره نه قدر، اوردا قال. چونکی هئرود اوشاغی آختاراجاق کی، اونی اؤلدورسون.» 14یوسئف ده قالخیب، گجه ائنن اوشاق و آناسینی گؤتوردی و مئصئره ساری یولا دوشدی. 15و هئرودون اؤلومونه قدر اوردا قالدی کی، ربّئن او سؤزی کی هوشع پیغمبرئن واسئطه‌سی ائنن دیئلمئشدی یرئنه یِتئشسئن: «اوغلومی مئصئردن چاغیردیم.»
16هئرود موغلارین طرفئندن آلدانمیش اولدوغونی گؤرَ‌نده، چوخ حئرصلندی و آدام گؤندَ‌رئب، موغلاردان بئلدئیی واختا گؤره، بیت‌لِحِم شهرئنده و اونون اطرافیندا اولان بوتون ائکی یاشیندا و داها آشاغی اولان اوغلان اوشاقلارینی اؤلدورتدی. 17او واخت اِرِمیا پیغمبرئن واسئطه‌سی ائنن دیئلن سؤز یرئنه یتئشدی:
18«راما شهرئندن بئر سس اِشئدئلدی،
آغلاشما و اوجا شئون سسی.
راحئل اوشاقلاری اوچون آغلاییر،
ائسته‌مئر ده کی، تسلّی تاپسین.
چونکی اولار یوخ اولدولار.»
مئصئردن دؤنوش
19آمّا هئرود اؤلندن سورا، ربّئن بئر مله‌یی رؤیادا یوسئفه کی مئصئرده ائدی ظاهئر اولوب، 20ددی: «دور، اوشاق و آناسینی گؤتور و ائسرایئل دئیارینا گت. چونکی اوشاغین جانینی آختارانلار اؤلوبلر.» 21یوسئف ده قالخدی، اوشاق و آناسینی گؤتوروب، ائسرایئل دئیارینا گتدی. 22آمّا اوندا کی اِشئتدی، آرخِلاعوس آتاسی هئرودون یرئنده یهودئیه ووئلایتئنه پادشاه اولوب، اورایا گتمکدن قورخدی و چونکی تاری طرفئندن رؤیادا اونا ائخطار ورئلدی، جلئل وئلایتئنئن سمتلرئنه گتدی. 23یوسئف گدئب ناصئره آدیندا بئر شهرده ساکئن اولدی کی، پیغمبرلرئن واسئطه‌سی ائنن دِیئلن سؤز یرئنه یتئشسئن: «او ناصئره‌لی چاغیریلاجاق.»
လက္ရွိေရြးခ်ယ္ထားမွု
متّانین رئوایت 2: CAB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company