ထာဝရရှင်သန်ခြင်းလမ်းနမူနာ

ဘုရားနှင့် လူ ဆက်စပ်မှုသည် အံ့ဩဖွယ်ရာ ဖြစ်သည်မှာ

က၊ ၂း၇။ ထိုနောက်၊ ထာဝရအရှင်ဘုရားသခင်သည် မြေမှုန့်ဖြင့် လူကို ဖန်ဆင်း၍၊ သူ၏ နှာခေါင်းထဲသို့ ဇီဝအသက်ကို မှုတ်တော်မူလျှင်၊ လူသည် အသက်ရှင်သောသတ္တဝါ ဖြစ်လေ၏။

လူတွင် ခန္ဓာ၊ စိတ်၊ ဝိညာဉ် ရှိခြင်းသည် သင်္ခါရနှင့် ထာဝရ တွဲနေခြင်းမို့ ဖြတ်သည်

၁သက်၊ ၅း၂၃။ ငြိမ်သက်ခြင်း၏အရှင် ဘုရားသခင် ကိုယ်တော်တိုင်လည်း၊ သင်တို့ကို အကုန်အစင် သန့်ရှင်းစေတော်မူပါစေသော။ ငါတို့ သခင်ယေရှုခရစ်ကြွလာတော်မူသောအခါ၊ သင်တို့၏ ကိုယ်ခန္ဓာ၊ စိတ်၊ ဝိညာဉ်အပေါင်းကို အပြစ်တင်ခွင့်နှင့် ကင်းလွတ်စေခြင်းငှာ စောင့်မတော်မူပါစေသော။

လူသည် လောက၌ ခရီးသည်မျှသာ ဖြစ်သည်

ဆာ၊ ၁၁၉း၁၉။ အကျွန်ုပ်သည် မြေကြီးပေါ်မှာ ဧည့်သည် ဖြစ်ပါ၏။ ပညတ်တော်တို့ကို ဝှက်ထားတော်မမူပါနှင့်။

ဒေ၊ ၁၂း၇။ ထိုကာလ၌ မြေမှုန့်သည် နေရင်းမြေသို့လည်းကောင်း၊ ဝိညာဉ်သည် အရင်ပေးတော်မူသော ဘုရားသခင့်ထံသို့လည်းကောင်း ပြန်သွားရလိမ့်မည်။