ထာဝရရှင်သန်ခြင်းလမ်းနမူနာ

ဘုရားနှင့် လူကြား တိုက်ရိုက်မထိတွေ့နိုင်သည့် ပြဿနာမှာ

အပြစ်ရှိခြင်း

ဟေရှာ၊ ၅၉း၁-၂။ ကြည့်ရှုလော့။ ထာဝရဘုရားသည် မကယ်မတင်နိုင်အောင် လက်တော်တိုသည် မဟုတ်။ မကြားနိုင်အောင် နားတော်ထိုင်းသည် မဟုတ်။ သင်တို့ ဒုစရိုက်သည် သင်တို့ကို ဘုရားသခင်နှင့် ကွာစေပြီ။ ကြားတော်မမူစေခြင်းငှာ၊ သင်တို့အပြစ်သည် မျက်နှာတော်ကို လွှဲစေပြီ။

အပြစ်တရား၏ အစမှာ

ရော၊ ၅း၁၂။ ဤအကြောင်းအရာဟူမူကား၊ အပြစ်တရားသည် တစ်ယောက်သောသူအားဖြင့် ဤလောကသို့ ဝင်၍၊ အပြစ်တရားအားဖြင့် သေခြင်းတရား ဝင်သည်နှင့်အညီ၊ လူအပေါင်းတို့သည် အပြစ်ရှိသောကြောင့် သေခြင်းသို့ ရောက်ရကြ၏။

အပြစ်၏ တန်ဖိုးမှာ

ရော၊ ၆း၂၃က။ အပြစ်တရား၏အခကား သေခြင်းပေတည်း။

လူတိုင်းအပြစ်ရှိကြသည်မှာ

ဆာ၊ ၅၁း၅။ အကျွန်ုပ်သည် မွေးစကပင် အပြစ်ပါလျက် ရှိ၏။ အမိဝမ်းထဲမှာ ပဋိသန္ဓေယူစဉ်ပင် အပြစ်စွဲပါ၏။