ဓမ္မရာဇဝင်စတုတ္ထစောင် 2မှ လူကြိုက်နှစ်သက်သော ကျမ်းပိုဒ်များ။

မျှဝေရန်

သူ​တို့ မြစ်​ကို​ဖြတ်ကူး​ပြီးလျှင် ဧလိယ​က ဧလိရှဲ​အား “​ငါ​သည် သင့်​ထံမှ ဆောင်ယူ​သွား​ခြင်း​မ​ခံရ​မီ သင့်​အဖို့ မည်သည့်​အရာ​ပြု​ပေး​ရ​မည်​ကို ပြော​ပါ​လော့​”​ဟု ဆို​လျှင် ဧလိရှဲ​က “​အရှင့်​ထံ၌​ရှိ​သော​ဝိညာဉ်​မျိုး အကျွန်ုပ်​၌ နှစ်ဆ​ရှိ​ပါစေသော​”​ဟု တောင်းဆို​၏​။

ထိုသို့ စကားပြော​လျက်​သွား​နေ​ကြ​စဉ်တွင်ပင် မီး​မြင်း​နှင့်​က​သော​မီးရထား​တစ်စီး ရုတ်ခြည်း​ပေါ်လာ​ပြီး သူ​တို့​နှစ်​ဦး​ကို​ခွဲပစ်​ကာ ဧလိယ​သည် လေပွေ​ဖြင့် ကောင်းကင်​သို့ ပါသွား​လေ​၏​။

ဧလိယ​က​လည်း “​သင်​သည် ရ​ဖို့​ခက်ခဲ​သော​ဆု​ကို တောင်းဆို​ပြီ​။ သင့်​ထံမှ ငါ​ဆောင်ယူ​သွား​ခြင်း​ခံရ​သည်​ကို သင်​မြင်​လျှင် သင့်​အဖို့ ထိုသို့​ဖြစ်​လိမ့်မည်​။ သို့သော် သင်​မ​မြင်​လျှင် ထိုသို့​ဖြစ်​မည်​မ​ဟုတ်​”​ဟု ဆို​၏​။

ဧလိယ​ကိုယ်​မှ​ကျကျန်​ခဲ့​သော​အဝတ်​ကို​ယူ​၍ ရေ​ကို​ရိုက်​ပြီး “​ဧလိယ​၏​ဘုရားသခင်​ထာဝရဘုရား​ကား အဘယ်မှာ​နည်း​”​ဟု ဆို​၏​။ ထိုသို့ ရေ​ကို​ရိုက်​သောအခါ ရေ​သည် ထက်ခြမ်းကွဲ​သွား​သဖြင့် ဧလိရှဲ​လည်း မြစ်​ကို​ကူးသွား​လေ​၏​။

ထို​အခြင်းအရာ​ကို ဧလိရှဲ​မြင်​လျှင် “​အကျွန်ုပ်​အဖ​၊ အကျွန်ုပ်​အဖ​၊ အစ္စရေး​စစ်ရထား​နှင့် မြင်းစီးသူရဲ​များ​ပါ​တကား​”​ဟု အော်ဟစ်​လေ​၏​။ ထို​အချိန်​မှစ၍ ဧလိယ​ကို သူ မ​မြင်​ရ​တော့​ပေ​။ သူ​သည် မိမိ​အဝတ်​ကို​ကိုင်​၍ နှစ်​ပိုင်း​ဆုတ်ဖြဲ​၏​။

ထို့နောက် ဧလိယ​သည် မိမိ​အဝတ်​ကို​ယူ​၍ လိပ်​ပြီးမှ ဂျော်ဒန်​မြစ်ရေ​ကို ရိုက်​လေ​၏​။ ထိုအခါ ရေ​သည် ထက်ခြမ်းကွဲ​သွား​၍ သူ​တို့​နှစ်​ဦး ခြောက်သွေ့​သော​မြေ​ပေါ်တွင် လမ်းလျှောက်​ကူးသွား​ကြ​၏​။

ထာဝရဘုရား​က ဧလိယ​အား လေပွေ​ဖြင့် ကောင်းကင်​သို့ ချီဆောင်​သွား​ချိန်​ရောက်လာ​လျှင် ဧလိယ​သည် ဧလိရှဲ​နှင့်အတူ ဂိလဂါလ​မြို့​မှ ထွက်လာ​ကြ​၏​။