လုကာ 4မှ လူကြိုက်နှစ်သက်သော ကျမ်းပိုဒ်များ။

မျှဝေရန်

“ထာဝရဘုရား​၏​ဝိညာဉ်တော်​သည် ငါ့​အပေါ်​၌ တည်တော်မူ၏။ အဘယ်ကြောင့်ဆိုသော် သတင်းကောင်း​ကို ဆင်းရဲသော​သူတို့​အား ဟောပြော​ရန် ကိုယ်တော်​သည် ငါ့​ကို​ဘိသိက်​ပေးတော်မူပြီ။ ဖမ်းဆီးချုပ်နှောင်​ခံရသူများ လွတ်ငြိမ်းချမ်းသာခွင့် ရမည့်​အကြောင်း​နှင့် မျက်​မမြင်များ မျက်စိ​ပြန်မြင်​ကြရမည့်​အကြောင်း​ကို ဟောပြော​ရန်​လည်းကောင်း၊ ဖိနှိပ်ချုပ်ချယ်​ခံရသူများ​အား လွတ်လပ်ခွင့်​ကို ပေးမည့်​အကြောင်း​နှင့် ထာဝရဘုရား မျက်နှာသာ​ပေးမည့် နှစ်​ကာလ​ရောက်သည့်​အကြောင်း​ကို ဟောပြော​ရန်​လည်းကောင်း ငါ့​ကို​စေလွှတ်တော်မူပြီ” ဟူ၍ ဖြစ်၏။

ယေရှု​ကလည်း “ကျမ်းစာ​၌ ‘သင်​၏​ဘုရားသခင် ထာဝရဘုရား​ကိုသာ ကိုးကွယ်​ရမည်။ ထို​အရှင်​တစ်ပါးတည်း​ကိုသာ ဝတ်ပြု​ရမည်’ ဟူ၍ ရေးသားထားသည်” ဟု မိန့်တော်မူ၏။

ယေရှု​ကလည်း “ကျမ်းစာ​၌ ‘လူ​သည် အစာ​အားဖြင့်​သာ အသက်ရှင်ရသည်​မဟုတ်’ ဟူ၍ ရေးသားထားသည်” ဟု မိန့်တော်မူ၏။

ထို့နောက် ယေရှု​သည် သန့်ရှင်းသော​ဝိညာဉ်တော်​နှင့် ပြည့်ဝ​၍ ဂျော်ဒန်မြစ်​မှ ပြန်လာ​သောအခါ ဝိညာဉ်တော်​ဦးဆောင်သည့်​အတိုင်း တောကန္တာရ​သို့ ကြွတော်မူ၏။

ယေရှု​က “ကျမ်းစာ​၌ ရေးသားထားသည်​မှာ ‘သင်​၏​ဘုရားသခင် ထာဝရဘုရား​အား အကဲမစမ်းရ’ ဟူ၍ ဖြစ်သည်” ဟု ပြန်​၍ မိန့်တော်မူ၏။

မာရ်နတ်​သည် မိမိ​၏​ဖြားယောင်း​သွေးဆောင်ခြင်း​အားလုံး ပြီးဆုံး​သောအခါ ယေရှု​ထံမှ​ထွက်ခွာ​၍ နောက်ထပ်​အခွင့်အခါကောင်း​ကို စောင့်လျက်​နေ၏။

ထို့နောက် မာရ်နတ်​သည် ကိုယ်တော်​ကို မြင့်မားသော​အရပ်​သို့ ခေါ်ဆောင်သွား​၍ ကမ္ဘာ​လောက​ရှိ​တိုင်းနိုင်ငံ​အားလုံး​ကို တစ်ခဏချင်း​တွင် ညွှန်ပြ​ပြီးလျှင် “ဤ​အခွင့်အာဏာ​နှင့် ထို​ဘုန်းစည်းစိမ် ရှိသမျှတို့​ကို သင့်​အား ငါ​ပေးမည်။ အဘယ်ကြောင့်ဆိုသော် ဤ​အရာတို့​ကို ငါ​၏​လက်​ထဲတွင် အပ်နှင်းထားပြီး​ဖြစ်သောကြောင့် ငါ​ပေးလိုသော​သူ​အား ငါ​ပေးနိုင်၏။ ထို့ကြောင့် သင်​သည် ငါ့​ကို ကိုးကွယ်​လျှင် ဤ​အရာ​ရှိသမျှ​ကို သင့်​အား ငါ​ပေးမည်” ဟု လျှောက်လေ၏။ ယေရှု​ကလည်း “ကျမ်းစာ​၌ ‘သင်​၏​ဘုရားသခင် ထာဝရဘုရား​ကိုသာ ကိုးကွယ်​ရမည်။ ထို​အရှင်​တစ်ပါးတည်း​ကိုသာ ဝတ်ပြု​ရမည်’ ဟူ၍ ရေးသားထားသည်” ဟု မိန့်တော်မူ၏။

ထိုမှ​တစ်ဖန် မာရ်နတ်​သည် ကိုယ်တော်​ကို ဂျေရုဆလင်မြို့​သို့ ခေါ်ဆောင်သွား​၍ ဗိမာန်တော်​၏​ထိပ်​၌ ရပ်စေတော်မူ​ပြီးလျှင် “သင်​သည် ဘုရားသခင်​၏​သားတော်​မှန်​လျှင် ဤ​နေရာ​မှ အောက်​သို့ ခုန်ချလော့။ အဘယ်ကြောင့်ဆိုသော် ကျမ်းစာ​တွင် ရေးသားထားသည်​မှာ ‘ဘုရားသခင်​သည် ကောင်းကင်တမန်များ​အား သင့်​ကို​စောင့်ရှောက်​ရန် မှာထားတော်မူ​လိမ့်မည်။ သင်​၏​ခြေ​ကို ကျောက်​နှင့် မထိခိုက်​စေရန် သူတို့​သည် သင့်​ကို လက်​ဖြင့် ချီပင့်ကြ​လိမ့်မည်’ ဟူ၍ ဖြစ်သည်” ဟု လျှောက်လေ၏။ ယေရှု​က “ကျမ်းစာ​၌ ရေးသားထားသည်​မှာ ‘သင်​၏​ဘုရားသခင် ထာဝရဘုရား​အား အကဲမစမ်းရ’ ဟူ၍ ဖြစ်သည်” ဟု ပြန်​၍ မိန့်တော်မူ၏။