बाट लोकप्रिय बाइबल पदहरू {{chapter}}

शेयर गर्नुहोस्

उहाँले भन्‍नुभयो, “तिमीहरूले सम्‍पूर्ण रीतले मैले भनेका कुराहरू मान्‍यौ, म जे कुरा ठीक ठान्‍दछु, त्‍यो गर्‍यौ र मेरा आज्ञाहरू पालन गर्‍यौ भने जुन रोगहरू मैले मिश्रीहरूमाथि ल्‍याएको थिएँ, ती कुनै पनि तिमीहरूमाथिपर्नेछैन। म तिमीहरूलाई निको पार्ने परमप्रभु हुँ।”

परमप्रभु मेरा बलिया रक्षक हुनुहुन्‍छ; मलाई बचाउने उहाँ नै हुनुहुन्‍छ। उहाँ मेरो परमेश्‍वर हुनुहुन्‍छ, म उहाँको प्रशंसा गर्नेछु, उहाँ मेरा पिताका परमेश्‍वर हुनुहुन्‍छ, म उहाँका महान्‌ताबारे स्‍तुति गाउनेछु।

“परमप्रभु, देवताहरूमध्‍ये तपाईंझैँ को होला? पवित्रतामा तपाईंझैँ अचम्‍मको को होला? कसले तपाईंले झैँ उदेकको र शक्तिको काम गर्न सक्‍ला?

आफ्‍नो प्रतिज्ञामा विश्‍वासयोग्‍य रहनुभएर आफूले बचाउनुभएको प्रजालाई तपाईंले अगुवाइ गर्नुभयो, तिनीहरूलाई तपाईंले आफ्‍नो शक्तिले तपाईंको पवित्र देशमा डोर्‍याउनुभयो।

तब तिनीहरू मारा भनिने ठाउँमा पुगे तर त्‍यहाँको पानी यति तितो थियो कि तिनीहरू कसैले पनि पिउन सकेनन्। त्‍यसैकारण त्‍यसको नाम मारा राखिएको थियो। मानिसहरू मोशासित गनगनाउन थाले र भने, “अब हामी के पिउने?” मोशाले परमप्रभुलाई हृदयदेखि प्रार्थना गरे अनि परमप्रभुले उनलाई एउटा दाउराको टुक्रा देखाइदिनुभयो। मोशाले त्‍यो दाउराको टुक्रा पानीमा हालिदिए र त्‍यो पानी पिउन लायकको भयो। त्‍यही ठाउँमा परमप्रभुले तिनीहरूलाई जिउनको निम्‍ति नियमहरू दिनुभयो। त्‍यहीँ उहाँले तिनीहरूको जाँच पनि गर्नुभयो।