बाट लोकप्रिय बाइबल पदहरू {{chapter}}

शेयर गर्नुहोस्

यसपछि स्‍वर्गबाट यसो भनिरहेको एउटा सोर मैले सुनें, “यो कुरा लेख: अबदेखि जतिले विश्‍वास गरी प्रभुको सेवामा मर्छन्, उनीहरू धन्‍यका हुन्।” पवित्र आत्‍माले यसो भनेर जवाफ दिनुभयो। “साँच्‍चै हो! किनभने अबदेखि उनीहरूले आफ्‍ना दु:ख र परिश्रमबाट आराम पाउनेछन् र उनीहरूका काम उनीहरूका साथ लाग्‍नेछन्।”

परमेश्‍वरका पवित्र जनहरू, जसले परमेश्‍वरको वचन मान्‍छन् र प्रभु येशूमा विश्‍वास राख्‍छन्, तिनीहरू स्‍थिर भएर बस्‍नुपर्छ।

तिनले ठूलो सोरले भने, “परमेश्‍वरको डर मान र उहाँको प्रशंसा गर किनभने उहाँले मानिस जातिको न्‍याय गर्ने बेला आइसकेको छ। आकाश, पृथ्‍वी, समुद्र र सब पानीका मूलहरू बनाउनुहुने परमेश्‍वरलाई मान-आदर देओ।”

ती दुई स्‍वर्गदूतहरूका पछि तेस्रो स्‍वर्गदूतले ठूलो सोरले यसो भन्‍दै कराए, “जतिले जनावरलाई अथवा त्‍यसको मूर्तिलाई मान-आदर गरेर त्‍यसको टीका आफ्‍नो निधारमा वा आफ्‍नो हातमा लिन्‍छन्, उनीहरूलाई परमेश्‍वरले आफ्‍नो क्रोधको कचौराबाट पियाउनुहुनेछ। तिनीहरू पवित्र स्‍वर्गदूतहरू र थुमाको अगाडि आगो र गन्‍धकमा पिरोलिनुपर्छ र उनीहरूलाई पिरोल्‍ने आगोको धुवाँ सधैँ उँभोतिर उडेर जानेछ। जतिले त्‍यो जनावर र त्‍यसको मूर्तिलाई मान-आदर गर्छन् र त्‍यसको टीका लाउँछन्, दिन-रात आफ्‍नो सजायबाट विश्राम पाउनेछैनन्।”

फेरि पनि मैले हेरें र सियोन पर्वतमा थुमा उभिरहनुभएको थियो र उहाँको नाउँ र उहाँको पिताको नाउँ, आ-आफ्‍ना निधारमा लेखिएका एक लाख चवालीस हजार मानिसहरू उहाँसित थिए।

यसपछि मैले आकाशमा उडिरहेको अर्को एक स्‍वर्गदूत देखें। सबै जाति, कुल, भाषा र देशका मानिसहरूलाई सुनाउन तिनी सुसमाचार लिएर आउँदै थिए।

तब पहिलो स्‍वर्गदूतको पछि दोस्रो स्‍वर्गदूत यसो भन्‍दै आए, “ध्‍वंश भयो! महासहर बेबिलोन ध्‍वंश भयो। त्‍यसले संसारका सबै जातिलाई त्‍यसका व्‍यभिचारको कचौराबाट पियाएर उनीहरूलाई मताइदिई।”