बाट लोकप्रिय बाइबल पदहरू {{chapter}}

शेयर गर्नुहोस्

यस संसारको रीतिमा नचल, तर आफ्नो मनमा नयाँ हुवाइमा परिवर्तित हुँदैजाओ; तब मात्र तिमीहरूले परमेश्‍वरको असल, मनपर्दो र सिद्ध इच्छा के हो, सो जाँच गर्न र स्वीकार गर्न सक्नेछौ।

यसकारण दाजुभाइ-दिदीबहिनीहरूहो, परमेश्‍वरको कृपाद्वारा म विन्ती गर्दछु, तिमीहरूले आफ्ना शरीरलाई पवित्र र परमेश्‍वरलाई मनपर्दो र जिउँदो बलिदानको रूपमा अर्पण गरिदेओ; यही तिम्रो साँचो र व्यवस्थित आराधना हो।

आशामा आनन्दित होओ, सङ्कष्‍टमा धैर्य धारण गर, प्रार्थनामा विश्‍वासयोग्य होओ।

खराबीद्वारा पराजित नहोओ, तर खराबीलाई भलाइले जित।

एक-अर्कालाई विश्‍वासी दाजुभाइ-दिदीबहिनीहरूका रूपमा प्रेम गर; आफूलाई भन्दा ज्यादा अरूलाई आदर गर।

प्रेम निष्कपट हुनुपर्छ। दुष्‍टतालाई घृणा गर; जे असल छ, त्यसमा रहिरह।

तिमीहरूलाई सम्भव भएसम्म सबैसँग शान्तिमा बस।

मेरा प्रिय मित्रहरू, बदला नलेओ; तर परमेश्‍वरको क्रोधका लागि छोडिदेओ; किनकि यसरी लेखिएको छ: “बदला लिने काम मेरो हो, म बदला लिनेछु,” परमप्रभु भन्‍नुहुन्छ।

कहिल्यै अल्छे नहोओ; तर कडा मेहनत गर, र आत्मामा जोशिलो भएर प्रभुको सेवा गर।

किनकि परमेश्‍वरले मलाई दिनुभएको अनुग्रहद्वारा म प्रत्येकलाई भन्दछु, आफूलाई चाहिँदो भन्दा बढी नठान, तर परमेश्‍वरले तिमीहरू प्रत्येकलाई दिनुभएको विश्‍वासअनुसार नै आफूलाई शान्त भएर जाँच।

कसैसँग दुष्‍टताको बदला दुष्‍टता नगर। सबैका दृष्‍टिमा जे असल छ, त्यही गर्न ध्यान देओ।

एक-अर्कासँग मिलेर बस। अहङ्कारी नहोओ, तर नम्र व्यक्‍तिहरूसँग सम्बन्ध राख्ने चाहना गर, र आफैलाई बुद्धिमानी नसम्झ।

तर यसको सट्टामा: “तिम्रो शत्रु भोकाएको छ भने, त्यसलाई खाना देओ; यदि ऊ तिर्खाएको छ भने पिउनलाई केही देऊ। यसो गर्‍यौ भने तिमीले त्यसको थाप्लोमा आगोको भुङग्रो राखे बराबर हुनेछ।”

तिमीहरूलाई सताउनेहरूलाई आशिष देओ; तिनीहरूलाई आशिष देओ, श्राप होइन। आनन्द गर्नेहरूसँग आनन्दित होऊ; शोक गर्नेहरूसँग शोक गर।

खाँचोमा परेका परमेश्‍वरका जनहरूसँग बाँडचुँड गर। पाहुनासत्कार कायम राखिरहो।

किनकि जसरी हामी प्रत्येकको एउटै शरीर छ, तर अङ्गहरू धेरै छन्, र यी सबै अङ्गहरूका काम एउटै हुँदैन, त्यसरी नै हामी अनेक भएर पनि ख्रीष्‍टमा एउटै शरीर हौं तथा सबै एक-अर्काका अङ्ग हौं।