बाट लोकप्रिय बाइबल पदहरू {{chapter}}

शेयर गर्नुहोस्

Eyer hot soo kepeet: — Fater, mayne Fater, tuu khanst ales mache! Los fon mich wech tee khelich fon layte. Awer, tas net kemach kept was ich wil, awer was tuu wilst.

Wacht un peet tas teyer net fersuucht kept. Is laycht wole ti fersuuchung aus hale, wërklich xlim is tas mache khëne.

Ich fersichere aych tas tas woer is: uf yeete plats fon te welt woo te ewankeelium aan kesaat kept, wërt fertseelt was sii kemach hot, un sii wërt erinert kewe.

un saat tëne: — Ti traurichkheet woo ich am xpiire sin is soo kroos, tas es meechlich is tas tii mich umpringe khan. Playpt hier am wache.

Soo lang wii se am ese waare, hot Yeesus tas proot kehool un hot Hërkot ketankt. Tëm noo hot eyer tas proot keteelt un hot tas fer ti tisiple kep, am saan: — Hoolt, tas is mayne khërwer.

Klaych tëm noo, hot eyer te wayn khelich kehool un hot Hërkot ketankt. Tëm noo hot eyer te khelich fer ti tisiple hiin kelangt, un al hon fom wayn ketrunk. Tan saat Yeesus: — Tas is mayn pluut, woo ferxut kept fer fiile, tas pluut woo Hërkot sayn alians mit sayn folek fersichert.

Un Yeesus saat fer ti tisiple: — Teyer tuut al ausrayse un tuut mich in xtich lose, wayl ti Hayliche Xrifte saan: “Ich tuun te Xeefer umpringe un ti xeef kewe ferxtraut.”

Xtayt uf, un meyer keen fort. Kukt! Too khomt te man woo mich am hinerkeen is!

Awer Yeesus saat tëm: — Ich fersichere tich tas tas woer is: in tee selwich nacht, eep te haan tswaay mool kreye tuut, saast tuu tray mool tas tuu mich net khëne tuust.