Populaire Bijbelverzen uit JENESIS 37

Deel

Bad u Joseph u la phohsniew ïa ka jingphohsniew, bad u la ïathuh ïa ka ha la ki hynmen: te ki la nang kham isih ïa u.

Te u Israel u la ieit ïa u Joseph nalor ki khun shynrang jong u baroh, naba u long u khun ka jinglong tymmen jong u: te u la thaw ïa ka sopti bathoh broin ïa u.

Bad haba ki hynmen jong u ki la ïohi ba u kpa jong ki u la ieit ïa u nalor ki hynmen jong u baroh, ki la ïashun ïa u, bad kim lah kren suk sngewbha shuh ïa u.

Bad u la phohsniew pat sa kawei ka jingphohsniew, bad u la ïathuh ïa ka ha la ki hynmen, u la ong ruh, “Ha khmih, nga la phohsniew sa kawei pat ka jingphohsniew; bad ha khmih, ka sngi bad u bnai bad khatwei ki khlur ki la ïanguh ïa nga.”

Te ki hynmen jong u ki la ïabishni ïa u; hynrei, u kpa jong u, u la kynshew ïa kata ka jingong ha la ka dohnud.

Bad u la ong ha ki, “To sngew mynta, nga kyrpad ïa phi, ïa kane ka jingphohsniew ïa kaba nga la phohsniew; namar, ha khmih, ngi dang ïateh song ïa ki thup kba ha ka lyngkha, bad ha khmih, ka song jong nga ka la khie joit bad ka la ïeng beit ruh; bad ha khmih, ki song jong phi ki da ïeng lyngwiar bad ki da ïanguh ruh ïa ka song jong nga.”

To ïa mynta, namar kata ngin ïa-pynïap noh ïa u, bad ngin ïabred ïa u ha kawei ka thliew um bad ngin ïathuh, uwei u mrad u basniew u la bam duh ïa u: ynda kumta, ngin ïakhmih yn long aïu na ki jingphohsniew jong u.”

Kumta, haba kita ki nongkhaïi ki kynja Midian ki la ïaid lait ïa ki, ki la khring, bad ki la kyntiew ïa u Joseph na kata ka thliew um, bad ki la die noh ïa u Joseph ha kita ki kynja Ishmael, arphew ki sbai rupa: bad ki ruh ki la wallam ïa u Joseph sha ka ri Ijipt.

Bad ki la ïa-ong paralok hi, “Ha khmih u wan une u trai ki jingphohsniew.

Bad ki la ïohi ïa u na jngai; te haba um pat poi hajan jong ki, ki la ïasylla lem ban pynïap noh ïa u.

Bad u Reuben u la ong pat ha ki, “Wat theh ïa ka snam, to pynhiar ïa u sha kane ka thliew um kaba ha khlaw, hynrei, wat buh ïa ka kti ha u;” ïa kane u la ong ba un ïoh pyllait ïa u na ki kti jong ki, ban ïalam pat ïa u sha la u kpa.