Populære bibelvers fra Ranehlö 17

Del

Ngaich hē Aprām nö machūötör anāi machūötör samyeūheu nö köiny, meūkö ngam Mā Tēv tö Aprām, ngaich ngöṙô tö ò, Chū-ö Chin Tēv tökeuheūttöre chöngö; lök ikūö Chu, hateūngöre më-eṅ inrē.

Ötrēhĕn ngam minënyö meh min nö ngöhöre nö Aprām invëka, Aprahām pöri min minënyö meh; tön ngaich Chin vīlen meh kikōnyö yöng tömaṙôngö mumā-aṅ tarik.

Haköpngö ngam kinlēḵngôre Chin min ihôi Chu tö meh inrē, töp kūön meh unôichrit meh i tumkölchap cha nö tötchanūhuvṙen kinlēḵngô, Öich Tēv meh, ap kūön meh inrē unôichrit meh.

Nö ngöṙô, Chū-ö pöri, yĕh meuk, in meh an ngam kinlēḵngô Chu, kikōnyö man min yöng tömaṙôngö mumā-aṅ tarik.

Ngaich ngöṙô ngam Mā Tēv, Hö-ö, Sëra pöri min ngam pīhö meh nö kayôḵnyö kūön meh tö kikōnyö; ngaich kaheuk minë-eny ò min më-eṅ nö Isak: ngaich Chū-ö min haköpngö ngam kinlēḵngôre in ò nö tötchanūhuvṙen kinlēḵngô ip kūön ò unôichrit ò.

Kēḵĕkūö meh Chin min, ap kūön meh inrē unôichrit meh, tö ngam panam chūök meh rahëichtaṙen iyöng, ṙòkhöre ngam panam Kanā-an, nö amin tötchanuhuvṙen; ngaich Tēv cha Chū-ö min inrē.

Ngaich afukngöre Aprahām nö fātngökūöre, ngaich hayīölkūö nö ngöṙô nö ellōnre, Nyī-öv uvöh min tökayôḵnyu nö kūön ò ngam töhēngòng samyeūheu nö köiny? Kūönu hòng uvöh min Sëra ngam tö machūötör anāi samyeūheu nö köiny?

Ngaich ngöṙô ngam Tēv tö Aprahām, Ap pīhö meh pöri Sārai, uh man havëkö minë-eny ò nö Sarai; Sëra pöri min minë-nyö ò.

Tunyīnyi min yī-ö ngaich angū-ö min nö minkahngö kinlēḵngô ihôi Chu tö yīö.

In Isak tī pöri min Chū-ö Öich haköpngö ngam kinlēḵngôre, öp kayôḵnyö Sëra min nö kūön meh, i ngih ṙētak, ip tahëng samyeūheu.

Angā-aṅ ngòh tö hëvhör höiny sumkam ṙēti nö in yīö, tunyīnyi ngaich min, ṙòkhöre kikōnyö i tumkölchap yīö; angā-aṅ öp töfötnyu nö i patī, hēk töhavaha nö ṙāi tö rupīö aṅ i tahëng, öp töt kūön meh. Angā-aṅ öp töfötnyu nö i patī meh, angā-aṅ inrē öp töhavaha nö ṙāi tö rupīö meh nö töhòṅ tunyīnyi: ngaich i alaha yīö min ngam kinlēḵngô.