Populære bibelvers fra Lizsij dih Gaihcij 17

Del

Yaqbwzlanz ndaej goujcib gouj bi mwhde, Yehhozvaz yienh hawj de raen, doiq de naeuz: “Gou dwg akak rengzrengz cauh gwnzmbwn caeuq lajdeih sojmiz hih gaiqgaiq cungj ndaej guh daengz dih Cangqdiq. Mwngz ijaeu dingq gou gaen gou, ij guh boux vunz cix soh cix lauxsaed he.

Daj seizneix doxbae, gij coh mwngz mbouj caiq heuh Yaqbwzlanz laem lo; ij gaij coh heuh Yaqbwzlahhanj ndaej lo, aenvih gou gaenq laeb mwngz guh fanh minzcuz dih daxboh lo.”

Gou caemh ij yiengq mwngz caeuq doengh daih gajlaeng mwngz baujcingq; gij baujcingq neix dwg cien nienz fanh daih cungj mbouj bienq he, couh dwg gou ij guh Cangqdiq mwngz caeuq Cangqdiq doengh daih gajlaeng mwngz.

“Gou dingh hawj mwngz hih couh dwg: Mwngz ndaej guh baenx haujlai haujlai aen minzcuz dih cojgoeng.

Hoeng, Cangqdiq dauq han naeuz: “Mbouj hah! Mehyah mwngz gaengjdingq ndaej seng daeglwg he hawj mwngz; mwngz caemh ij an coh hawj de heuh Hijsaj. Gou caeuq mwngz soj dingh hih, caemh caeuq Hijsaj caeuq doengh daih gajlaeng de yungjyenj dingh roengzbae mbouj bienq.

Mwnq dieg mwngz seizneix doz youq he, couh dwg baenx cenz Gyahnamz hih dieg, gou caemh ij nyok hawj mwngz caeuq nyok hawj doengh daih gajlaeng mwngz, hawj faenhsou ndaej yungjyenj aeu ma guh gyadangq; gou caemh dwg Cangqdiq gyoengqde.”

Dingq daengz neij le, Yaqbwzlahhanj couh bomz roengz doem bae sax de, caemh caegcaeg riu, ndaw sim de gag naemj: “Bak bi hih vunz laux cungj lij ndaej miz lwg haj? Sajlah gaenq ndaej goujcib bi lo, vanzlij ndaej seng lwg haj?”

Cangqdiq vanzlij caiq doiq Yaqbwzlahhanj naeuz: “Mwngz mbouj ndaej caiq heuh mehyah mwngz heuh Sajlaiz laem lo; gou ij gaij coh hawj de heuh Sajlah lo.

Faenhsou cungj ij ngaiz gozlij; gij neix couh dwg geiqhauh gou yiengq faenhsou soj baujcingq dih baengzgawq.

Hoeng gou naeuz mwngz ni hax, daengz bimoq hih mwhneix, Sajlah gaengjdingq seng Hijsaj hawj mwngz. Gou caeuq mwngz soj dingh hih caemh dwg caeuq Hijsaj dingh hih.”

Seiqseiq daihdaih sojmiz hih vunzsai, mboujguenj dwg youq ndaw ranz seng hih cixnaeuz dwg aeu ngaenz daj rog cawx ma hih, fanjcingq ngamq seng okdaeuj ndaej daengz daixbet ngoenz hih, cungj ij ngaiz gozlij. Youq ndaw ranz seng he caeuq aeu ngaenz cawx ma he cungj ij ngaiz gozlij; yienghneix, couh youq gwnz ndang faenhsou miz geiqhauh, geiqhauh hawj faenhsou seiqseiz ndaejgeiq gou yiengq faenhsou soj baujcingq hih cien nienz fanh daih mbouj bienq hih gij baujcingq mwnq.