Populære bibelvers fra Matayo 5

Del

Atʼu kʼaasha taa na akarifinikʼira na daba, ela ariika dzulu-dzulu kwa hata riamwirikire atʼu osi mumo nyumbani. Ndo uricheni uo mwanga wenu wamwirikire atʼu kwa hata aone mahendo genu madzo, na phapho amulike Abayenu ariye mulunguni.”

“Mwimwi ndimwi murio dza mwanga wa atʼu phapha duniani, na munga dza mudzi ojengwa chidengodengoni, kwa vivyo kʼauyaya.

Baha ao ario mwao myoyoni kʼamuna mai, mana, ao ndio ondakwendamona Mulungu.

Baha ao ario nzala yao na chʼiru yao ni kuhenda ga haki, mana, andakudzamvunywa.

Ela ninamwambira mino, ahenzeni adawa enu, na avoyereni hata ao amuhenderao mauku.

Yiye waamba, “Baha aratʼu adzimanyao chiroho ni achiya, mana, ao Ufalume wa Mulungu ni wao.

Baha odzidinisa kwa kukale na reri, mana, ao andaihiwa anangwa a Mulungu.

Baha o ashononekao vivi, mana, Mulungu undakudzaangolangola.

Baha ao ahenderwao mauku vivi kwa anahenda ga haki, mana, ao uo Ufalume wa Mulungu ni wao.

Baha ao aaonerao mbazi anziao, mana, Mulungu naye undaaonera mbazi.

“Ndo baha mwimwi chikala atʼu anamuhendera mauku, amuhakane na amusingizire munahenda mai gosi, kwakukala, mu anafunzi angu. Amuhenderapho vivyo, mwimwi hamirwani hata mupige njerejere, mana, manoso genu ni mabomu mulunguni. Vivyo bee ndivyoahendera hata ao agomvi a Mulungu omulongolera.”

Baha o arumwengu, mana, ao ndio ondahewa dunia.

Jeso waenderera kwafunza anafunzie achiaamba, “Mwimwi munga dza munyu wa atʼu phapha duniani. Ela munyu uchikala kʼaukoza, undawudzadze kukala udzo kahiri? Uo nikukala kʼawokola na rorosi, na kwa vivyo, nikutsuphwa ukayahiwa ni achizi na njira.

Kwa vivyo, mwimwi bee ahenzeni atʼu osi dza Abayenu Mulungu arivyo.”

Ndo uchikala unagomba utʼu na ndivyo, amba kare, ‘Ndivyo.’ Na chikala tsʼivyo, amba kare, ‘Tsʼivyo.’ Chochosi kuchira gago, galaa kwa yuyatʼu Mui.”

Jeso waenderera kugomba achiamba, “Mwimwi mwasikira kukala atʼu áambwa, ‘Mutʼu achimuhumbula munjine dzitso, naye nahumbulwe dsitso, na achimungʼola dzino, naye naangʼolwe dzino.’ Ela ninamwambira mino, vivi mutsʼimuremere gakwe mutʼu mui. Achikupiga ukofi kʼai ya kulume, uwe bee hata mugaluzire yiyo yinjine nayo apige.

Ndo dzitsoro ra kulume richikuhenda uriche kunituwa, rishungulule uritsuphe kure. Ni baha kuyaza chilungocho chimwenga kuriko kukala na vilungovyo vyosi, na ukatsuphwe moho wa Jahanamu. Na mukonoo wa kurya uchikuhenda uriche kunituwa vivyo, utose wutsuphe kure. Ni baha kuyaza chilungocho chimwenga kuriko kukala na vilungovyo vyosi, na ukatsuphwe moho wa Jahanamu.”