Populære bibelvers fra Matfey 5

Del

İnsan tutuşturmêêr şafkı, ki koysun onu bir kap altına, ama koyêrlar kandillik üstünä, ki aydınnık etsin hepsinä, kim içerdä. Hep ölä şafk etsin sizin dä aydınnıınız insanın önündä, ki onnar, görüp ii işlerinizi, metinnesinnär sizin Gökteki Bobanızı.

Sizsiniz – dünneyin aydınnıı. Kasaba, ani durêr bayır üstündä, yok nasıl saklansın.

Mutlu temiz üreklilerä, zerä onnar Allahı görecek!

Mutlu aaç hem susuz olannara dooruluk için, zerä onnar doyunacek!

Ama Bän sizä deerim: duşmannarınızı sevin, /betva edenneri iisözleyin. Yapın iilik onnara, kim azetmeer sizdän,/ dua edin onnar için, kim /gücendirer hem/ koolêêr sizi

«Mutlu duhlan fukaara olannara, zerä Allahın Padişahlıı onnarın olacek!

Mutlu barıştırıcılara, zerä onnara denecek Allahın oolları!

Mutlu aalayannara, zerä onnar iilendirilecek!

Mutlu dooruluk için koolanmış olannara, zerä Gök Padişahlıı onnarın olacek!

Mutlu acıyannara, zerä onnar acıyanılmış olacek!

Mutlu sizä, açan sizi insan fena lafeder hem koolêêr hem hertürlü yalan laflarlan Benim için kötüleer! Sevinin hem şennenin, zerä büüktür sizin ödeeniz göklerdä. Hep ölä koolardılar prorokları, sizdän ileri.

Mutlu yavaş olannara, zerä onnar erin mirasçıları olacek!

Sizsiniz erin tuzu. Ama eer tuz kaybedärseydi dadını, nesoy var nasıl onu enidän tuzlu yapmaa? Ozaman bişey için yaramaz. Kalêr sade atılsın dışarı, ki insan onu ayaklan çiinesin.

Onuştan, olun taman, nicä sizin Gökteki Bobanız taman.

Ko olsun sizin lafınız: „Eer öläysä – ölä. Eer olmazsa – olmaz“. Ne bunnardan zeedä, o yaramazdan geler.

İşittiniz, ne sölendi: „Göz – göz için, diş – diş için“. Ama Bän sizä deerim: durmayın karşı fena yapannara, ama kim urêr senin saa yanaana, çevir ona sol yanaanı da.

Eer saa gözün günaha düşürärsä seni, çıkar onu da sıbıt. Taa islää kaybedäsin bir ek güüdendän, nekadar bütün güüdännän cendemä atılasın. Eer saa elin günaha düşürärsä seni, kes onu da sıbıt. Taa islää kaybedäsin bir ek güüdendän, nekadar bütün güüdännän cendemä gidäsin.