Populære bibelvers fra Ap'u 17

Del

Naran a Epram paian inelsav'et pln isav'et (99), a Mlin Eia iv'iv'en Hin an a Epram kavr ani, kavr ti a, “Kana nv'i Atua Na Nut Hua Udlani. Pasapa navanelak arna nahk kaviviln.

Naham ikav'i a Epram ml, v'eti naham ipav'i a Epraham, sena ti Kana ntauh a ti pav'i a tetiar v'anu ipastudau.

P'ani ti turanienak ipap'tir a p't nut nad, m'er a natm la apavtauatah anh ha, la apavsilv' uam ha, a ti turanien lera ipap'tir dav'a ikahiris naran. A ti p'ev'i Atuam m'a Atuar a netm'i la apavtauatah anh ha.

“Palei, Kana, turanienak ipap'tir asnm. Nakm pav'i a tetiar v'anu ipastudau.

Sarei, Atua ivr ti a, “Nvrdaui, a Sera, a naum, ipalev' a natm ipamk. Patu nahan ipav'i Aisak. Laha, Kana p'ani ti turanienak ipap'tir asnn, kav'i turanien la ikahiris naran ha m'er a natn apavtauatah ani.

P'etu nadep' la kv'i v'anudl aranan ha anh ml m'er a natm, iv'i nut a Kenan udlani, a ti ipav'i nadep'am dav'a ikahiris naran. Kana p'ev'i Atuar.”

Sarei, a Epraham irs kasisihpu a nadep' kavtma, kavri arna nln kavr ti a, “?Mardel irndu ti ipaiak asn dui la paian itnelnal sarei itv'amk (100) ha? ?A Sera, la paian itnelsav'et sarei (90) ha, ipalev' sei uam?”

Sarei, Atua ivr an a Epraham kavr ti a, “A naum, iv'i a Sarai, ikav'i a Sarai ml, v'eti nahan ipav'i a Sera.

Apatrla pna nila p'ak dui asnm pr. Ki lera ipav'iv'en turanien la iter a p't nut nad ha.

V'eti p'ani ti turanienak ipap'tir asn Aisak, la a Sera ipalav'i asnm ha, arna naran laha arna pai lahadei.”

Naran dui ipaiak asnm'i napn ipasatl uaki, apan p'au ani. Dui udlani apaviak asnm'i ipatauatah akvan p'au anr pr, nki aviak al nmaham, m'er nki kulr a nav'et asnr v'anudl kinkin la ahavv'i a natm ha. Apan p'au a dui iak al nmaham m'a dui kuli a nav'et. P'akm'i ipav'iv'en turanienak dav'a ikahiris naran.