Versículos bíblicos populares de Matalikilo 27

Partilhar

Lesa aakupe mume kuswa kwiculu akulengesha myuunda yako kuba amboleshi! Aakupe shili anga ngamaila shiinji awaini uunji. Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

Esau wakaamba ayi, “Ulu ndwabili kunyinda kumaano. Anu nceceeco liina lyakwe ncelyakabeta ayi Jakobo. Wakanyaya bunenebantu bwangu alimwi bulya wabwesa acoolwe cangu. Sa tamukwe kunshiilaawo coolwe nabi comwi nebo?”

Lyalo Isaki wakamwaambila ayi, “Webo teshi ukatambuleewo mume kuswa kwiculu, alimwi teshi ukabeewo amyuunda icite mboleshi. Ulaakunoocana buumi kwiinda mukusebensesha mupeeni, alimwi ulaakuba musha wa mukwanu. Sombi waakwaashuka, ulaakupatuka kuswa mubweendeleshi bwakwe.”

Esau wakatolelela kukombelela baishi ayi, “Sa mulicitebo coolwe comwi ta? Anebo ta amumpeewo coolwe!” Mpeeke wakatalika kulila.