MARKA Lokhraemhaih
Lokhraemhaih
Marka Tamthang Kahoih mah hae, “Sithaw Capa Jesuh Khrih kawng Tamthang Kahoih” tih hoiah takung amtong. Jesuh loa anghak aiah toksahkung hoi akaatawnkung ni tihae amtuengsak. Akaatawnhhaih ih loa minawk patukhaih ih, taqawknawk nuiah akaatawnhhaih ih hoi kaminawk ih zaehaih tahmenhaih ih pongah to amtueng. Jesuh mah angmah ih kawng to a thuih na-ah, ‘Kami Capa,’ tiah a thuih moa kazae kaminawk to zaehaih thung hoitoah loihsak han hoi a hinghaih paek hanah kangzoh tiah a thuih.
Marka mah Jesuh ih kawng hae tarik na-ah katoeng kroeng ta-ah tarik. A lok thuihhaih hoi a patukhaih ih pongah doeh a sakhaih ih to lokpui koek ah a suek. Baptisma paekkung Johan kawng zetta a thuih pacoengah Jesuh ih baptisma a hak haih hoi zaepacunghaih kawng to tarik pacoengah Jesuh ih patukhaih hoi kaminawk hoihsakhaih ih kawng to tarik roep. Atue akraa kue na-ah loa a hnukbangnawk mah Jesuh ih palungthin to panoek kop pae o kue. To-e anih ka koeh ainawk mah loa a hnukmaa o aep aep bae. Aboenghaih bangah longprae ah Jesuh a hingh nathuemah hnukkhuem tabaih patohhaih ih, kraws pongah takhinghaih ih hoi angthawklethaih ih kawng to lokpui koek ah tarik.
Marka Tamthang Kahoih mah hae ‘aboenghaih’ hnetto a tawnh moa ahi hnit hae (baraket) thungah suek ah a oh. Kawmawtiah ahi hnit aboenghaih hae Marka mah tarik ih na ai moa mi kalah longlongto mah tarikthuih thap ih ni tiah taanghaih ih a oh.
Lokpui Tanawk
Tamthang kahoih amtonghaih (1:1-13)
Galili ah mipui khaeah Jesuh toksakhaih (1:14—9:50)
Galili hoitoah Jerusalem ah (10:1-52)
Jerusalem hoi a taenghaek ah hnukkhuem tabaih thung (11:1—15:47)
Jesuh angthawklethaih (16:1-8)
Kang thawklet Angraeng amtuenghaih hoi van ah dawhhaih (16:9-20)
Atualmente selecionado:
MARKA Lokhraemhaih: AKNT2023
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Asang Khongso New Testament in Eastern Khumi © Bible Society of Myanmar, 2023.