Versículos Bíblicos Populares relacionados a Iroomaani 1

Compartilhar

Ani Usakana Udaayiinaay sikwꞌiib kaabari. Baruuh aree oodehay yꞌaamaneen kasseeh ishidhhiin Ukwaasanaay akrir ikati. Hankaab Iyahuudee dehaay, malya aree Ijintiilee dehaay ikati.

Usakana Udaayiinaay aree, tuushbu Ukwaasanaay lawi tindi, tuushbu been wꞌiimaanii tikatiit, tibadootee wꞌagiya ookiik tikati. Batuuh uktaabiib bak kataabtu: “Uushbu wꞌiimaanii ikwaar indi.” diyaabi.

Ukwaasana tuduniya idꞌiyeekka, bariitaah taana tibaalawaya kastaah, yꞌakriraah idaayimaawwa, tehayꞌaatuuhwa daayiib lawiyaan. Baruuh idꞌiyeet toonaatii aree daayiib afhamamiyaan. Aflaay uudehay sabab kiibariin.

Ukwaasana ikanneek han, barooh Ukwaasanaayt soowinaab kiikeena aree barooh hamdaab kiikeen. Laakiin tikwoonaniitaahna mishiit iiktiina, aree iginꞌaayaahna yꞌafraya yhadaalna.

Baraah Ukwaasanaay oosdik gwisreeb ibdilna. Ukwaasana yꞌabidneet toonaatiika, Ukwaasana dꞌiyaab ikatiyeena yꞌabidna. Baruuh diimaab itehammiid. Aamiin!

Ukwaasanaay igadab tibreetee kasseeh yꞌamag dehayi kehiiwwa toomaag sakanaayi kehiiwwa lawiyaan. Baliin baraah tumaagtiisoohna oosdik eetirna.

Oon usabbii, Ukwaasana bareeh sikwꞌiib rayiisiya. Timꞌataahna han oojkuun wꞌatlammidaab iribniit, taakna taktak rareewiyaan. Aanda han oontꞌaaneet sakiyaan. Baraah timꞌati jikuun wꞌatlammidaab yꞌishniit, aakna taktak rareewiyaan. Aanda eenda irawi geeb amaagna sakiyaana, aree baraah aakna tumaagtoohna astehaleeni jasa dehaay jasaamiyaan. Masi aree, baraah Ukwaasanaayt kanaanti dibuuyiib shalikna han kwinaab kiikeenayt, Ukwaasana bareeh amag girma yhii. Aflaay baraah toona tubaakaay ikwasiin.

Igarooyeehna fagaraab hiisiineek han, baraah afreeyaana, Ukwaasana Ubaayaayiib umatuun, dehay dꞌiyaab ikatiyi timsaleeb ibdilna. Wꞌaadami ubashariyaaywa, eekilaywa, tidhhaniyaawwa, ibuut ranfiifaawwa tꞌiiti timsaleeb ibdilna.