Yaɓooda 33
33
Jakob kɨ Esaw lan nooj nat
1Jakob un kumɨn kɨ dõ nɔlɨn lo, na oo Esaw ndɨ ɗe kɨ deg ɓusɔɔ nat sen. Kamla keg ngang ad Lea kɨ Rasel kɨ ɓerg kɨdẽ kɨjoo. 2Nda ɓerg kɨdẽ kɨ ngandg kete, kamla Lea kɨ ngana, na Rasel kɨ Jojep utɨn god. 3Jakob kɨɓe tɔi kete nõdt, ɔsɨ dɔn ber nja tanãimɨta, mbã ndɔt'n kɨ ro ngonkõnt nderbe. 4Esaw ãi ngɔd ndɔda, so kɔat, kuia kɨ ront, nju taa, na nõn ngãi. 5Kamla Esaw un kumɨn kɨ dõ, oo dekɨdẽg kɨ ngang, na el an: Ĩgɨn ĩn sei nat ye, ĩn nõg a? Jakob tur an: Ĩn ngang kɨ Luwah ad ɓer loi kɨgo ɗa majt lon. 6Kamla ɓerg kɨdẽ ndɔt'n kɨ roat, ĩn kɨ ngandg, na ɔsɨn dɔd ber. 7Lea kɨ nganɨn ndɔt'n kɨ roat ɔsɨn dɔd ber ho. Goot gog Jojep kɨ Rasel ndɔt'n kɨ roat, ɔsɨn dɔd ber ho.
8Esaw ndɨjea an: Ɗi i ndig ɗa kɨ ɓut nyakulg tube'n m'ndɔd'd a? Jakob tur an: I kɨtakad m'ngan maj takum ngeemt. 9Esaw el tɔ an: Nyag lom asɨm ngonkom, i ngom nyag loi kɨtɔi. 10Jakob tur an: Ã ã, m'kɔi, ĩla m'ngaa maj takumit a ne, i taa kadkari 'nten jimt, kɨta m'oo takumi tit'n hã de a oon takum Luwah, na i hɔm kɨ roit kɨ kamnda. 11M'kɔi kɨ i taa kadkari lom kɨ m'ɗen m'adi kɨta Luwah ɗa sem maj ad nyag lom asɨm. Ɗà Esaw bee ada taa kadkari loa.
12Esaw el an: Ad kɨ ɓai j'awɨn, na m'a m'ndia garit. 13Jakob tur an: Ngeem i ger, ngang ĩn kɨdu. Kamla m'aw kɨ batg kɨ kõ mang'n ngandg a ilɨn mba. Ĩla jad'd ndian tɔi dɔ tɔgd ke kam ndɔt kɨ kɨɗabe ka a ne, nyakul kɨ dugɨn non a oin tube. 14M'kɔi ngeem, kɨ i tɔi kete nõ ɓert loi, na mĩ m'aw goit jenjen kɨgo ndiat lo nyakulg'n ĩn nomt, kɨgo ndiat lo ngang mbã m'tee ɓe lo ngeem dɔning Seirt. 15Esaw el an: Ad m'nya gaj deg lom m'adi kad Ĩn nat sei. Na Jakob tur an: Kad ɗan ɗi? Adɨm m'ngaa maj takum ngeemt koon. 16Kam ndɔt'n non la Esaw so ɗobo tel aw dɔning Seirt gog.
17Na Jakob ɓai aw lot kɨ Sukot ad i lo kujkamg, ɗa kuj lon. Ɗa kɔlg kɨta nyakulg lon nu ho. Kɨtɔ 'nten la kunɨn ne lon non kɔlg ye. 18Go teka dɔning Padan Aramt, Jakob aw tee ɓebot kɨ Sikem kɨ kam dɔning Kanat kɨ kam kɨsokɨber, na hɔlondɨ kad ɓebot'n non. 19Jakob ndugo gaj dɔning mad ji ngan Hamɔrt kɨ bɔw Sikem kɨ nar kɨndà ɓu kɨɗa, na ɗa kujkub lon tit ad ɗa dõ. 20Ɗà dɨngɨr la kadkari lot'n non, na ndah tɔ dɨngɨr'n non an: El Elohe Israel ad i: Luwah lo Israel.
Atualmente Selecionado:
Yaɓooda 33: MlL
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mbai Bible Revision © Bible Society of Chad, 2015.