Versete biblice populare din Maleko 6

Partajează

Pea nee folafola ia kia natou: “Koutou omai mo koutou ki he potu lavaki, mamao mai te hahai, pea ke koutou malolo siisiipe i ai.” Pea nee tonupe ia, koteuhi, i te tokolahi fau o natou nee omai, pea mo natou kua mavae‐age, nee mole mau e te u apositolo he temi ke natou kai ai.

Pea nee folafola kia natou e Sesu, o ui maana: “Ko he polofeta e hoki fehiainai i tonape fenua, i ona kaiga pea mo tona loto fale.”

I te hifo mai te vaka, nee sio ia Sesu ki te hahai tokolahi, pea nee ofa ia kia natou, koteuhi nee hage natou ko ni akeno e mole kei mau honatou tagata tauhi, pea nee ina kamata akoi natou o fualoa.

Pea nee mole ina lava fai i ai he milakulo, e gatape i tana fakamalolo niihi mahaki, aki tana hilifaki ona takafalu kia natou, pea nee punamauli ia i tanatou hala mo te tui. Nee fealuaki ia i te atu kolo nee ovi‐age mo akonaki ki ai.

Nee too leva e Sesu ia te pane e nima, pea mo ika e lua, pea nee hiki tona fofoga ki lagi mo ina lau te tapuaki, pea nee ina tofitofi te u pane mo ina foaki ia ki ana tisipulo ke natou tufaki. Pea nee ina tofitofi feia ia ika e lua kia natou fuli. Nee natou kakai fulipe o makokona, pea nee tanaki kato e hogofulu ma lua kua fofonu i te u moi pane mo te u toega ika.