Известные библейские стихи из Лука 6

Поделиться

Дэн и явэ́на тэ дэн тумэ́нгэ: явэ́на тэ дэн тумэ́нгэ пхэрды́ ме́ра, и притасадо саро́ тэ явэ́л, би тангипнаскиро (жалимакиро), явэ́на тэ чхувэ́н тумэ́нгэ пал брэг ада́кицы, кицы́ тумэ́ змогинэна тэ лыджа́н; савэ́ мераса тумэ́ меринэна, дасавэ́-паць мераса тумэн явэ́на тэ меринэн.”

Лачхо́ ману́ш вылыджала лачхипэ́н лэ́скирэ–илэ́скирэ кучипнастыр, на́лачхо ману́ш вылыджала фуипэ́н лэ́скирэ-илэ́скирэ фуипнастыр; пал-дова́, со исын дро ило́, дова́ ушта́ ракирэ́на.

Нэ тумэ́ сыкавэ́н паты́в тумарэ́ вэргэ́нгэ, кэрэ́н лэ́нгэ лачхипэ́н и явэ́ла тумэ́нгэ бари мазу́ри (награда) Дэвлэ́стыр, и тумэ́ явэ́на Най Вучэдырэскирэ Дэвлэ́скирэ чхавэ́; пал-дова́ со Ёв исын лачхо́ и ваш одолэ́нгэ, савэ́ на парикирэна и ваш налачхэнгэ.

Палдава́ явэ́н тангипны́тка (жалиныбнытка), сыр тангипны́тко исын тумаро́ Дад.

На сэндинэ́н, и тумэ́ на явэ́на сэндиндлэ; на бангякирэн, и тумэ́ на явэ́на бангякирдэ; примангэн и тумэ́нгэ явэ́ла примангло.

Нэ Мэ пхэна́ва тумэ́нгэ, кон шунэ́ла ман: сыка́в паты́в пэ́скирэ вэргэ́нгэ, кэрэ́н лачхипэ́н одолэ́нгэ, савэ́ кэрэ́на чорипэ́н тумэ́нгэ, мангэ́нпэ пал одолэ́ндэ, савэ́ кошэна тумэн и мангэ́нпэ пал одолэ́ндэ, савэ́ нашукар отлыджанапэ кэ тумэ́.

Кэрэ́н дова́ явирэ́нгэ, со тумэ́ камэ́на, соб (кай) яви́р мануша́ тэ кэрэ́н тумэ́нгэ.

Кон пэкавэла тут дрэ чам (шчока), ри́скир кэ ёв яви́р, кон отлэла ту́тыр упратуно урибэ́н, отдэ́ лэ́скэ и гад. Кон мангэ́ла ту́тыр, дэ, и кон исын банго́ ту́кэ, на пхуч лэ́стыр палэ.

Нанэ лачхо́ кашт (дрэ́во), соб (кай) тэ дэл налачхэ́ барьякирдэ́ (пло́ды); и нанэ на́лачхо кашт, соб (кай) тэ дэл лачхэ́ барьякирдэ́.

Пал-дова́ со кажно кашт уджинэна пир лэ́скирэ барьякирдэ́, тумэ́ на скэдэ́на инжыро хрустостыр сувьенца, и винаградо хрустостыр.