Известные библейские стихи из Yohana 10

Поделиться

Ngʼwibi atiza ulu iti kulwa kwiba na kubulaga na kukenagula: Nene nizile babize na bupanga, hangi babize nabo wa buyaga.

Nene ndi ndimi wa wiza; ndimi wa wiza akuwinhaga ko bupanga wakwe kulwa ngholo jakwe.

Ngholo jane jikwigwaga ilaka lyane, na Nene najimanile, najo junilondela

Hangi najinha bupanga butushila; najo jitalayagala welelo na welelo, hangi ati ho uyo wadula kujipula mu nkono gwane.

Nene ndi nyango; munhu ose ulu wingilila mo muli Nene, akupijiwa, akwingila, hangi abufuma, hangi akubona idimilo.

Nene ndi ndimi wa wiza; najimanile ijili jane, najo jane jinimanile Nene.

Baba uwaaninha, ali ntale kutinda bose; hangi ati ho nulu umo uyo wadula kujipula mu nkono gwa ngʼwa Baba. Nene na Baba tuli umo.

Gitumo Baba animanile, na Nene namanile Baba; hangi nawinha ko bupanga wane kulwa ngholo.

Ati ho munhu wa kunitagija bupanga wane, aliyo nawinha ko Nene ngʼwenekele. Ndi nabo budula wa kuwinha ko, hangi ndi nabo budula wa kububucha hangi. Kilagilo cheniki naanukula kuli Baba.

Kulwa iyo Yesu ubawila hangi giki, Nghana, nghana, namuwila giki, Nene ndi nyango gwa ngholo.

Aliyo ngʼwitumamija wa mhela, uyo ati ndimi, uyo ngholo jiti jakwe, aho ubona mhuge iliza, ujileka ngholo, upela; na mhuge yujipula ngholo, yujibalasanya.

Nghana, nghana, namuwila giki, Uyo atingilila mu nyango kwingila mu lubigili lwa ngholo, aliyo ulinhila kungi, ngʼwenuyo ali ngʼwibi na nsambo.