Известные библейские стихи из यूहन्ना 1

Поделиться

पर ज़ेतरै सौ अपनाऊ, होर बशाह केरू, तेइयै तिन्हां बै परमेश्वरै री औलाद होंणै रा अधिकार धिना, मतलब तिन्हां बै ज़ुण तेइरै नाँ पैंधै बशाह डाहा सी।

शुरुआती न वचन ती, होर वचन परमेश्वरा सैंघै ती, होर वचन परमेश्वर ती।

प्याशा निहारै न च़मका सा; होर निहारै सौ ग्रहण नी केरू ऑथि।

होर बचनै एक मांहणु रा रूप लेऊ होर अनुग्रह होर सच़ाई न पूरै होईया आसरै बिच़ा न रौहै, होर आसै तिन्हरी ऐण्ढी महिमा हेरी, ज़ैण्ढी बापू रै एकलौते बेटै री महिमा।

सारी सृष्टि तेई रै ज़रियै पैदा हुई, होर ज़ो किछ़ पैदा हुआ सा, तिन्हां न कोई भी चीज़ा तेइरै बगैर पैदा नैंई हुई। तेईन ज़िन्दगी ती होर सौ ज़िन्दगी मांहणु रा प्याशा ती।

दुज़ै रोज़ यूहन्नै प्रभु यीशु आपु धिरै ऐन्दा हेरिया बोलू, “हेरा ऐ परमेश्वरा रा गौभु (मेम्णु) सा, ज़ो दुनिया रा पाप च़किया नेया सा।

सौ दुनिया न ती होर, दुनिया तेई रै ज़रियै पैदा हुई, होर दुनिया रै लोकै सौ नैंई पछ़ियाणु, कि सौ कुण ती। सौ आपणै लोका (यहूदी) मौंझ़ै बै आऊ होर तिन्हैं आपणै लोकै सौ नैंई अपनाऊ।

सच़ा प्याशा ज़ो हर एक मांहणु बै प्याशा केरा सा, दुनिया न ऐणु आल़ा ती।

किबैकि बिधान ता मूसै रै ज़रियै धिनु सा, पर अनुग्रह होर सच़ाई यीशु मसीह रै ज़रियै पूजी।