Известные библейские стихи из Ruuka 14

Поделиться

“Omuunu akeenda okubha omwiyigira waani, yeenderwe asige okwenda omuunu woonewoone okukira anye, abhe esemwene, abhe nyiramwene, abhe mukaaye, bhabhe bhaana bhaaye, bhabhe bhayiiri bhaaye, na abhasubhaati bhaaye, na asige okwiyenda omwene.

Na omuunu woonewoone akabha akyari okugega omusarabha gwaye aanseete, atakutura okubha omwiyigira waani.

Kwa okubha, omuunu akeegega, Nyamuwanga kaamutuura emwaro. Na omuunu akeetuura emwaro, Nyamuwanga kaamutuura iiguru.”

“Nikwo kutyo gari na kw-imwe, omuunu akeenda okubha mwiyigira waani, asige ebhiinu bhyaye bhyone kutyo.”

“Niga agati weemwe unu akeenda okuumbaka iinyumba, atakwikara okwamba, ˆneeganiirisha raabhe ari na ebhiinu bhya okwisa okuumbakira iinyumba iyo? Amenye raabhe ari na obhuturo bhwa okuyumbaka ayimare? Kwa okubha akateera ku-musingi era ˆnaataamibhwa okuyimariisha, abhaanu bhariirora kimwi mbamusangʼaya, mbaaikaga ati, ‘Omuunu unu ꞉aambire okuumbaka iinyumba, nawe ataamiibhwe okuyimariisha!’

“Nawe, ukaroosisha abhaanu ebhyokurya, nuuraarike abhatobhu, abharema, na abhawofu. Ayo niwe uriyaanwa giinonkwe, kwa okubha abhaanu rwa bhayo bheeki bhatari na kiinu kya okukusubhisha. Nyamuwanga niwe arikusubhisha, bhunu arisuura abhaanu abharengeresi.”

“Omuunyu ni kiinu kijomu. Nawe omuunyu gukabhusha omuta gwago, kitariwo kiinu kya kugusambaarusha kweki. Omuunyu gukamara okubhusha omuta, gutakujomera kiinu kyonekyone ku-nsi kunu, abhaanu abhagwesaga iibhara. Omuunu unu ari na amatwi aga okuungwira, noongwe kujomu!”