Известные библейские стихи из लूका 14

Поделиться

“अगर कोनो हर मोर लिघे आही, अउ अपन दाऊ अउ दाई अउ घरदारिन अउ छउवा मन अउ भाई मन अउ बहिन मन ला बरन अपन प्रान ला भी अप्रिय नी जानही, त ओहर मोर चेला नी होए सकथे

अउ जे कोनो हर अपन क्रूस ला नी उठाही, अउ मोर पाछू नी आही, ओहर भी मोर चेला नी होए सकथे।

काबर कि जे कोनो हर अपन आप ला बड़खा बनाही, ओहर छोटे करल जाही; अउ जे कोनो हर अपन आप ला छोटे बनाही, ओहर बड़खा करल जाही।”

एहिच रीति ले तुमन मन मे ले जे कोनो हर अपन सबेच कुछ ला छोएड़ नी देही, ओहर मोर चेला नी होए सकथे।

तुमन मन ले कोन है, जेहर गढ़ बनाए बर चाहेल, अउ आगू बईठ के खरचा ला नी जोड़ही कि पूरा करे कर सामर्थ मोर लिघे है कि नही कही एसन झिन होए कि जब ओहर नींव डाएल ले लेकिन तियार नी कईर सकही, त सबेच देखे बाला मन ये कह के ओला मजाक मे उड़ाए लागिन, ‘ये मैनसे हर बनाए त लागिस लेकिन तियार नी कईर सकिस?’

लेकिन जब तय हर भोज करबे त कंगाल मन, ठुठ्ठा मन, लंगड़ा मन अउ अन्धवा मन ला बुलाव। तब तय धन्य होबे, काबर कि ओकर लिघे तोला बदला देहे बर कुछ नी होही, लेकिन तोला धर्मी मन कर जी उठे मे एकर प्रतिफर मिलही।”

नमक हर त बड़िया है, लेकिन अगर नमक कर स्वाद बिगेड़ जाही, त ओहर कोन चीज ले नमकिन करल जाही। ओहर न त जमीन बर अउ न खाद बर काम मे आथे; ओला त लोग मन बाहर फेक देथे। जेकर सुने कर कान है ओहर सुईन लेहे।”