तब ओहर यीशु ला यरूशलेम शहर मे ले जाए के मन्दिर कर कंगूरा पर ले जाए के ठड़वईस, अउ ओकर ले कहिस, “अगर तय परमेश्वर कर बेटा हस, त अपन आप ला हिया ले खाल्हे गिराए दे। काबर कि लिखल आहे: ओहर तोर बिषय मे अपन स्वर्गदूत मन ला हुकूम देही, कि ओहर तोर रक्षा करही, अउ ओमन मन तोला हाथो हाथ उठाए लेही, एसन नी हो कि तोर गोड़ मे पखना ले चोट लगही।” यीशु हर ओके उत्तर देहिस, “ये भी कहल गईस है: ‘तय प्रभु अपन परमेश्वर कर परीक्षा झिन करबे।’”