Известные библейские стихи из लूका 6

Поделиться

देहल करा, त तुमन मन ला भी देहल जाही: लोग मन पूरा नापल ला दबाए-दबाए के अउ हिलाए-हिलाए के अउ उभरत होए तुमन मन कर गोद मे डालही, काबर कि जे नाप ले तुमन मन नापिहा, ओहिच नाप ले तुमन मन बर भी नापल जाही।

भला मैनसे हर अपन मन कर भला भण्डार ले भला गोएठ मन ला हिकालथे अउ बुरा मैनसे हर अपन मन कर भण्डार ले बुरा गोएठ मन ला हिकालथे। काबर कि जेहर मन मे भरिस है ओहिच हर ओकर मुंह मे आथे।

बरन अपन शत्रु मन ले प्रेम रखा, अउ भलाई करा अउ फिर ले पाए कर आशा नी रईख के उधार देवा; त तुमन मन बर बड़खा फर होही; अउ तुमन मन परम प्रधान कर संतान ठहरिहा, काबर कि ओहर ओमन मन ले जेमन मन धन्यवाद नी करथे अउ बुरा मन बर भी कृपालु है।

जेकस तुमन मन कर दाऊ हर दयावन्त है, ओहिच नियर तुमन मन भी दयावन्त बना।

दोष झिन लगावा; त तुमन मन पर भी दोष नी लगाल जाही, दोषी झिन ठहरावा त तुमन मन भी दोषी नी ठहराए जईहा: छमा करा, त तुमन मन ला भी छमा करल जाही।

लेकिन मैहर तुमन सुने बाला मन ले कहथो, कि अपन शत्रु ले प्रेम रखा, जेहर तुमन मन ले बैर करही, ओमन मन कर भला करा। जेमन मन तुमन मन ला श्राप देही, ओमन मन ला आशीष देवा, जेहर तुमन मन कर अपमान करही, ओमन मन बर प्रार्थना करा।

जेकस तुमन मन चाहथा कि लोग मन तुमन मन ले करही, तुमन मन भी ओमन मन कर संग ओहिच कस करा।

जेमन तोर एक गाल मे झापड़ मारही, ओकर कती दूसर ला भी फेर दे, अउ जेहर तोर दोहर छीन लेथे, ओला कुरता ला लेहे ले झिन रोक। जे कोनो तोर ले मांगही, ओला दे दे, अउ जेहर तोर चीज मन ला लुईट लेही, ओकर ले झिन मांग।

कोनो बड़िया रूख नही, जेहर बुरा फर लानही, अउ न त कोनो बुरा रूख हर, जे बड़िया फर लानही।

सबेच रूख हर अपन फर ले पहिचानल जाथे, काबर कि लोग मन झाड़ी मन ले अंजीर नी टोरथे, अउ न झड़बेरी ले अंगूर।