Известные библейские стихи из मरकुस 16

Поделиться

अउ यीशु हर ओमन मन ले कहिस, “तुमन मन सबेच जगत मे जाए के सबेच सृष्टि कर लोग मन ला सुसमाचार प्रचार करा।

बिश्वास करे बाला मन मे ये चिन्हा होही कि ओमन मन मोर नाव ले अशुद्ध आत्मा मन ला हिकालही, नावा-नावा भाषा गोठियाही, साप मन ला उठाए लेही, अउ अगर ओमन मन प्रान नाशक चीज मन ला भी पी जाही तबो ले ओमन मन कर कुछ हानी नी होही; ओमन मन बिमार मन कर उपर मे हाथ रखही, अउ ओमन मन चंगा होए जाही।”

जेमन बिश्वास करही अउ बपतिस्मा लेही ओमन कर उद्धार होही, लेकिन जेहर बिश्वास नी करही ओहर दोषी ठहराल जाही

अउ ओमन मन हिकेल के सबेच जगहा मन मे प्रचार करिन, अउ प्रभु हर भी ओमन मन कर संग मे बुता करत रहिस, अउ ओ चिन्हा मन कर द्वारा जेमन संग-संग मे होवत रहिस, बचन ला मजबूत करत रहिन। आमीन।

ओहर ओमन मन ले कहिस, “अकचकावा झिन तुमन मन, यीशु नासरी ला, जेहर क्रूस पर चड़हाल गए रहिस, ओला खोजथा। ओहर जी उठिस है, हिया नी है; देखा, एहिच जगहा हर है, जिहा ओमन मन ओला रखे रहिन।

जब ओमन मन आएख ला उठईन, त देखिन कि पखना हर लुड़के रहिस, ओ पखना हर ढेरेच बड़खा रहिस। अउ कबर कर भीतर जाए के ओमन मन ले एक जवान ला सफेद कपरा पहिनल जेवनी कती बईठल देखिन, अउ ढेरेच अकचकाए गईन।