Известные библейские стихи из ARING KELESING 6

Поделиться

bahat lan nah kenep Tuhan avin Iha' uh na kelunan, avin barik daha' pah ngeji'ek kenep Na'.

Tegu Tuhan nyineng ji'ek kelunan uh kelalau kahum ha' usun tana anih dahin ugé' kenep daha' uh kelalau ji'ek pa'en té' usun tana

Bi Nuh aleng ala asi men Tuhan

Anih nah lung Nuh. Nuh atih iha' nah ji kelunan aleng teneng dahin em té' ji'ek na' té' hang kelunan tegu atih, Nuh atih murip ngioh dahun Allah.

Iha' nah Tuhan kuma', “Akui seng nasa' kelunan aleng uh Ek na té' usun tana anih, nurei pah tulan, hulung, dahin ket aleng nganap, dahin manuk ha' langit avin nei pehili nah kenep Kui té' ket aleng Ek na anih.”

Tegu kelunan uh nei kahum té' usun tana', kahum nah anak doh daha'. Daha' anak-anak Allah nyineng anak doh kelunan atih, kajau lan jam daha', daha' pah ala daha' doh atih hi-hi tua aleng kenep daha'. Ken Tuhan, “Belua' aleng Ek tei halem kelunan atih nusi' nah Iha' seng dara Ek lo' alem daha', avin daha' uh tei ngioh kenep usun tana anih, dara urip daha' nah seng ji atuh dua'-pulu duman tua.” Tegu atih kelunan uh kuri-kuri leksa' té' usun tana', dahin men'uh anan dih tei peji nah daha' anak Allah dahin anak doh kelunan, daha' pah nei nganak. Daha' atih nah kelunan aleng tu'a dahin makang dahin aleng té' aran menuna'.

Nuh pah na nunan, ngioh awi aleng en Allah bara men iha', nunan nah tuk iha' na.

Iha' nah Tuhan duan Nuh, “Akui uh mutet aleng kenep Kui ngenep mutet lim-lim hengan ket aleng murip té' usun tana, avin usun tana nih uh penu kenan selalang daha', avin anan nah Akui seng nasa' daha' lim-lim tugung usun tana anih.

Im na nah ji kapen kayo' kita, kapen anan im na tilung-tilung na' dahin ngeluin men awang dahin men alem.

Tuhan Allah nyineng, lan usun tana uh masep avin lim-lim kelunan uh panau alem barik ji'ek té' usun tana anih.

Lim-lim ket aleng murip, sayu im geri ji doh dahin ji laké' men hang daha' tei alem kapen anan, ja daha' murip dahim, ji laké' dahin ji doh aleng tekep im geri.