YAPHANG 16
16
Hagar bai Ismael
1Tabuk Abramni bihik khe Sarai bwsa man ya. Bini khoroksa Ijipjwk seleng tongo bini mung khe Hagar; 2hakhe Sarai Abramno hai hwnwi sa kha, “Subraiyung ano bwsa man ya khe ton kha; nwng ani selengjwkni thani tháng di, abo hai khe ang bini bising tẃi khe bwsa manẃi mano.” Tei Abram Sarai samani kókno khna kha. 3Hakhe Abram Kanan ha-o nokha bisi chi jora tong kha, Abramni bihik Sarai Ijipni bwrwi selengjwk Hagarno bwsai Abramno hik na di hwnwi rwui rw kha. 4Hakhe bo Hagarni thani tháng kha tei bo sakderiya wng kha; Hagar sakderiya wngma bai, bo bini nokphangjwkno sak nangjak ya wng kha.
5Hakhe Sarai Abramno hai hwnwi sa kha, “Ano hamya khlaima nini sago nang thung! Ang ani selengjwkno nini khuri-o rw kha tei bo sakno sakderiya wngma nugwi, bo ano naislerjak kha Subraiyung nono bai ano buj thum thung!”
6Tamo khe Abram Saraino hai hwnwi sa kha, “Nai di nini selengjwk le nini yapha-o se; nwng bono nini muchung tẃi’-no khlai di.” Hakhe Sarai bono tekto rw kha hakhe bo Saraini aroni khár kha.
7Subraiyungni suari Hagarno hasingkhongni kwrẃngsa twimuk tongma-o nuk kha, a twimuk Surni lama-o klai-o. 8Hakhe bo hai hwnwi sa kha, “Hagar, Saraini selengjwk, nwng buroni phaiwi buro thángna naiwi tong?”
Hagar hai hwnwi sa kha, “Ang ani bugrajwk Saraini aroni khárma se.”
9Hakhe Subraiyungni suari bono hai hwnwi sa kha, “Nini bugrani thani kiphilwi thángwi bini thani nwng Sakno yapharwi di.” 10Subraiyungni suari bono hai hwnwi sa kha, “Ang nini bosongno aswk kwbáng khe er rwnai abórokno lekhaui pái man glak.” 11Subraiyungni suari bono hai hwnwi sa kha, “Nai di nini ogo tabuk bwsa tongo, nwng bwsa chwla bánai, nwng bono Ismael#16.11. Ismael: Hibru kók bai o mung khe “Khnanai Kaitor hwnma se”. hwnwi mung phar di; tamni hwn ba Subraiyung nini tektono nuk kha, 12Bo borokrokni bisingo bolongni korai hai wngnai, bini yak bebakno’-no kebengnai tei bebak borokrokbo bono kebengnai; tei bo bebak bini borokrok bai kebengwi tongnai.”
13Hakhe Hagar bini thani kók sanai Subraiyungno suriui hai hwnwi sa kha, “Nwng wng kha nuknaisa Kaitor”; phiya Hagar hai hwnwi sa kha, “Ang kubui’-no da Kaitorno nuk kha tei bono nugwibuda thangwi tong kho?” 14Aboni bagwi a twikhor Bir-Lahairoi hwnjago; abo Kades bai Beredni kwcharo.
15 #
Gal 4.22. Hagar Abramni bagwi bwsa chwla khoroksa bá kha; Abram, Hagar bámani bini bwslano Ismael hwnwi mung phar kha. 16Hagar Ismaelno bá phuru Abramni umor bisicharchidok wng kha.
Выбрано:
YAPHANG 16: KOKBSI
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.