Obľúbené biblické verše z Juan 17

Zdieľať

Pagbalinem kay nga nasnup ka ngas nga pagsirbiyan da, gapu iya kinapudnu nga ipakaemmum igida. Ket ya kagim, itu met ya pudnu.

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

“Ngem bekken nas nga igida didi diya ikarkararagac, no di lugud pe̍ diya mamati nad iyaken gapu iya kasaba da. Ikarkararag ku nga agkaykaysa da kuma nga amin, nga agten mettas dacta, Ama. Ta naitipun ka iyaken, se̍ naitipun nac met pe̍ ikew, ket maitipun da kuma pe̍ dacta. Ngarud, agkaykaysa da kuma, tasun diya toley idi nga lubung nga madi pekkem mamati, patiyen da kuma nga tutu nga ikew ya nangibon iyaken idi.

Ket ya adngec kun para igida, madic adngen nga ipanaw mu da iya lubung ngi, no di lugud iliclic mu da kuma ngas iya diyablu nga managdacdake̍c.

“Ket didi nga pasurut ku, ipaay ku igida ya agten mettas nga nadayaw nga kasasaad nga nipaay mu iyaken, tasun agkaykaysa da kuma pe̍ yin nga agten mettas iya panagkaykaysa ta. Naitipun nac igida. Ket ikew, naitipun ka met pe̍ iyaken tasun iya agten iyan, awan met pagkurangan niya panagkaykaysa da. Ket no agten iyan, maemmuwan ngarud diya toltoley iya lubung nga tutu nga nibon nac idi, se̍ maemmuwan da met pe̍ nga uwed panagayat mu kadiya mamati iyaken, nga agten met iya panagayat mu iyaken.