Yohani 7
7
U Yesu na bawamwabo
1Pisinda pache u Yesu akendendekagha muchigaba icha Galileya. Atakalondagha ukwendakwenda muchigaba icha Yudeya pakuti abalaghili aba Chiyuda bakalondagha pakumughogha. 2#Lev. 23.24; Ukk. 16.13Akabalilo aka Ulusekelo ulwa Visakasa ulwa Chiyuda lukaba papipi. 3Po abawamwabo aba Yesu bakanena nawe bakati, “Fumako kuno ubukaye muchigaba icha Yudeya, umwakuti abantu babo bakukukonka bope bennyanje zizyo ukubomba. 4Nayumo umuntu yuyo akufisa vivyo akubomba, nanti akulonda ukuti amanyikwe pabuzelu. Pakuti ukubomba ivintu vinivi, ubaghiye wilanjizye wemwene kuchisu chosi ichapasi.” 5(Bope bulo na bawamwabo batakamusubila) 6U Yesu akanena nabo akati, “Akabalilo kane akiza kachili katakwanite, loli kukwinyu akabalilo kosi kiza bulo. 7Abantu aba muchisu ichapasi batangababenga, loli bambengite pakuti nkubasimikizya ukuti imbombo zyabo mbibi. 8Amwe bukagha ku lusekelo. Ane intakubukako#7.8 Ane intakubukako: Amasimbo ghamo aghakale ghasimbite ukuti Ane intakubukako losi ulu. pakuti akabalilo kane akiza kachili katakwanite.” 9Bo ababuzya zinizi, po akasyala mwene muchigaba icha Galileya.
U Yesu palusekelo ulwa Visakasa
10Bo abawamwabo babuka ku lusekelo kula, po wepe u Yesu akabuka. Atakabuka umwakubonekela, loli mubufisamu. 11Abalaghili aba Chiyuda bakamulondagha palusekelo lula. Bakalalusya bakati, “Nkimba umwene ali ko kwiyi?”
12Kukabako ukuteketelana ukukulu nizya Yesu muchilundilo mulamula. Abantu bamo bakatinji, “Muntu mwiza.” Abanji bakatinji, “Awe, akubasovya bulo abantu.” 13Loli atakabapo nayumo umuntu yuyo akamunenagha u Yesu pabuzelu pakuti bakabanyilagha abalaghili aba Chiyuda.
14Bo ulusekelo luli pakasikasi, u Yesu akinjila mu Nyumba iya Chala nukwanda pakumanyisya. 15Abalaghili aba Chiyuda bakaswigha nkani nukuti, “Nkimba umuntu yunuyu akuvimanya bulibuli ivintu vyosi vinivi pakuti umwene ate mumanyi?”
16U Yesu akamula akati, “Ivimanyisyo vivyo nkumanyisya vite vyane ni vyane, loli vikufuma kwa yuyo akantuma. 17Umuntu wesi yuyo akulonda pakubomba vivyo u Chala akulonda, akwiza pakumanya nanti vivyo nkumanyisya vifumite kwa Chala pamo nkunena nu bulaghili ubwane nu bwane. 18Umuntu yuyo akunena nu bulaghili ubwache nu bwache, akwilondela mwene ubuchindamu bwache. Loli umuntu yuyo akumulondela ubuchindamu yuyo akantuma, wanaloli, po ubuzimbuli butalimo mumwache. 19U Mozesi akabapa Indaghilo. Nkimba mute momumo? Loli nayumo umuntu mumwinyu yuyo akukonka Indaghilo. Nkimba choni chicho mukulonda pakungogha?”
20Po ichilundilo chikamula chikati, “Uli nu muzimu umubibi! Nkimba wewenu akulonda pakukughogha?”
21U Yesu akabamula akati, “Nkabomba ichika choka, po mwebosi mukaswigha. 22#Ubw. 17.10; Lev. 12.3U Mozesi akabalamula pakusilimula abana binyu abanavuli, (napapo atakaba we Mozesi yuyo akandizya, loli abanyenya binyu bo babo bakandizya), po amwe mukusilimula abana binyu abanavuli Pisiku Ilyakutuzya. 23#Yoh. 5.9Nanti umwanavuli akusilimuliwa Pisiku Ilyakutuzya, kokuti Indaghilo izya Mozesi zileke pakunanganika, po nkimba mukunkalalila pachifukwa ichakuti nkamupozya umuntu Pisiku Ilyakutuzya? 24Mutakalongaye pakwennya icheni icha muntu, loli mulongelaye mubwanaloli.”
Nkimba u Yesu we Kilisitu?
25Abantu bamo aba mu Yelusalemu bakanena bakati, “Nkimba uyu ate weyuyo abalaghili aba Chiyuda bakulonda pakumughogha? 26Ennya ilelo akunena pabuzelu bulo, loli abene batakunenapo nachimo. Nkimba zingaba izyakuti abalaghili bazimenye ukuti we Kilisitu? 27Twebosi tumenyeko kuko umuntu uyu akufuma. Loli bo u Kilisitu akwiza, nayumo umuntu yuyo akwiza pakumanya kuko akufuma.”
28Bo u Yesu akumanyisya mu Nyumba iya Chala, akanena na mazyu agha pamwanya akati, “Naloli mumenye, sona mumenyeko na kuko infumite. Ane intizite nu bulaghili ubwane nu bwane. Loli yuyo akantuma wanaloli. Amwe mutamumenye 29loli imumenye pakuti nkafuma kukwache, sona weyuyo akantuma.”
30Po bakalondagha pakumulema, loli atakabapo nayumo umuntu uwakumupalamasya pakuti akabalilo kache kakaba kachili katakwanite. 31Loli abantu abinji muchilundilo chila bakamusubila nukuti, “Bo u Kilisitu iza, nkimba akwiza pakubomba ivyika ukuchila vivyo uyu akubomba?”
Abasilikali bakubuka pakumulema u Yesu
32Aba Falisayi bakivwa zizyo ichilundilo icha bantu chikuteketelana nizya Yesu, po abene na baputi abasongo bakatuma abasilikali bamo pakumulema. 33U Yesu akati, “Nkwiza pakuba namwe pakabalilo akapimpa bulo, po nkwiza pakubuka kwa yuyo akantuma. 34Mukwiza pakundonda, loli mutakwiza pakunyagha pakuti kuko nkubuka, mutangafikako.”
35Abalaghili aba Chiyuda bakalalusannya benebene bakati, “Nkimba umuntu yunuyu akulonda pakubuka kwiyi kuko tutangamwagha? Nkimba akulonda pakubuka muvyisu ivya ba Giliki kuko abantu bitu bakwikala nukubamanyisya aba Giliki? 36Akunena ukuti, ‘Mukwiza pakundonda, loli mutakwiza pakunyagha,’ sona ‘Kuko nkubuka, mutangafikako.’ Nkimba akung'anamula ichoni?”
Isoko izya mizi amapela ubumi
37 #
Lev. 23.36
Pisiku ilyabumalilo ilya lusekelo, lilyo likaba ilya pamwanya nkani, u Yesu akimilila nukunena na mazyu agha pamwanya ukuti, “Umuntu wesi yuyo ali ni nyota ize kukwane nukung'wela. 38#Ezk. 17.10; Lev. 12.3Pakuti Amasimbo ghakuti, ‘Umuntu wesi yuyo akunsubila, isoko izya mizi amapela ubumi zikwiza pakwendagha mumwache.’ ”#7.38 Umuntu wesi…mumwache: Amazyu agha Yesu mumavesi agha 37-38 ghangasanusiwa ngati lo ulu, “Umuntu wesi yuyo ali ni nyota ize kukwane nukung'wela. 38 Pakuti Amasimbo ghakuti, ‘Isoko izya mizi amapela ubumi zikwiza pakwenda mumuntu wesi yuyo akunsubila.’ ” 39U Yesu akanenagha nizya Muzimu Umuzelu, yuyo abantu babo bakamusubila bakizagha pakupokela. Pakabalilo kalakala u Muzimu Umuzelu akaba achili atapeghiwe pakuti u Yesu akaba achili pakupokela ubuchindamu.
Abantu bagabinkana benebene
40Bo ichilundilo icha bantu chivwa amazyu ghanagha, bakanena bakati, “Naloli umuntu yunuyu mulaghuzi.”
41Abanji bakati, “Uyu we Kilisitu.” Loli abamwabo bakati, “Umupoki yula atangafuma muchigaba icha Galileya! 42#2 Sam. 7.12; Mik. 5.2Amasimbo ghakuti u Kilisitu akwiza pakuba luko ulwa Mwene u Devedi nukuti akwiza pakupapiwa mu Betelehemu mukaya kako u Devedi akikalaghamo.” 43Po ichilundilo icha bantu chikagabinkana pachifukwa icha Yesu. 44Bamo bakalondagha pakumulema, loli atakabapo nayumo umuntu uwakumupalamasya.
Abalaghili aba Chiyuda bakukana pakumusubila u Yesu
45Bo abasilikali bala banyokela, abaputi abasongo naba Falisayi bakabalalusya bakati, “Nkimba choni chicho mutizagha nawe?”
46Abasilikali bakamula bakati, “Nayumo umuntu yuyo anenitepo lumo ngati muntu uyu!”
47Aba Falisayi bakalalusya bakati, “Nkimba namwe abazimbuye?” 48“Nkimba alipo weka pakasi pa balaghili pamo pakasi paba Falisayi yuyo amusubiye? Awe! 49Loli ichilundilo icha bantu ichi chicho chitazimenye Indaghilo izya Mozesi, cho chicho chighuniwe.”
50Weka mu ba Falisayi bala akaba we Nikodemu, yuyo kale akabuka kwa Yesu. Akanena na bamwabo akati, 51“Nkimba Indaghilo zyitu zikutwitikizya pakumulonga umuntu, bo tutamwivuye akunena mwene chicho anangite?”
52Bakamwamula bakati, “Nkimba nawe bulo ukufumila muchigaba icha Galileya? Londa mu Masimbo wennye, po ukwiza pakwagha ukuti nayumo umulaghuzi yuyo angafuma#7.52 umulaghuzi yuyo angafuma: Ibuku lyoka ikulu likunena ukuti Umulaghuzi atakwiza pakufuma nalumo. muchigaba icha Galileya.”
Umukolo yuyo alemiwa pabulowe
[53Po abantu bosi bakanyokela kukwabo.
Aktuálne označené:
Yohani 7: LMBNT2016
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Zistiť viac o Ulufingo Ulupya