Pianciilna 23
23
Sarah Thi a, Abraham in Thaan khat Lei
1Sarah sia kum 127 nungta hi. 2Canaan ngam Hebron ah ama thi a, Abraham khuangai hi.
3Ama in tua mun a zi luang kisialna nusia in, Hit te kungah pai a, 4“Keima in note sungah ngamdangmi hong teang khat ka hi a; ka zi ka phum thei natu in, leitang tawm hong zuak tavun,” ci hi. #Heb 11:9,13; Sawl 7:16
5Amate in, 6Syapa awng, kote ci bang hong ngai ta'n. Nangma in kote sungah lampui thahat khat in hong mu khu hi; ka thaan nei uh a phabel sungah na zi phum in. Na zi phum thei natu thaan ahile kote khat pawpo in hong pia thanuam khu hi,” ci in zo uh hi.
7Tuasia ciang Abraham in amate mai ah kunin, 8“Hi munah ka zi nong phumsak nuam uh le nong hesuakna in Zohar tapa Ephron tungah, 9Machpelah Suanghawng hong zuak natu in hong ngetsak tavun, tuasia ama lo king ah om hi. Thaan leitang ka nei thei natu in, note theampo mai ah, a manh a cing taw kei hong zuak natu in hong ngetsak tavun,” ci hi.
10Hit te kikhoptua na khuapi kongbiang ah Ephron zongh om hi; tua mun a omte theampo ii zaakin a zona pan, 11“Syapa awng, hong ngai ta'n; suanghawng omna tua ka lo buppi nang kong pia tu hi. Hi munah a om, ka mipuite ii mai ah tua ka lo sungah na zi na phum thei natu nang tungah kong pia tu hi,” ci hi.
12Ahizong, Hit te mai ah Abraham kun a, 13mi theampo zaak tu in Ephron tungah, “Hesuakna taw hong ngai ta'n. Na lociing bup kong lei tu hi. A manh kong piak za hong saang ta'n, tuaciang tua munah ka zi ka phum tu hi,” ci hi.
14Ephron in, 15“Syapa awng, tua leitang in ngunntang zali bek manh a — nang le kei kilaklaw ah son thamman na ziam? Tua munah na zi phum ta'n,” ci in zo hi. 16Mipite zaak a, Ephron ii a sonna bang Abraham thukim in — sumzuakte ii a teena in a zak ngei toaisuangte zanghin ngunntang 400 pia hi.
17Tuabangin, Mamre nisuana sang, Ephron ii neisa Machpelah longam sia Abraham neisa suak hi. A lo bup le lo sungah a om suanghawng le thingkung theampo kihel in ama ii neisa hi siat hi. 18Tua munah a kikhawm Hit te theampo in Abraham neisa a hina thu heakpui siat uh hi.
19Tua zawkciang Abraham in Canaan ngamsung tua suanghawng ah a zi Sarah phum hi. 20Tua hi a, Hit te neisa ahi tua lo le suanghawng sia thaan mun khat tu in Abraham neisa suak hi.
Aktuálne označené:
Pianciilna 23: SCB2
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Siyin Chin Bible © Bible Society of Myanmar, 2016