Mavhesi emuBhaibheri Ane Mukurumbira kubva kuna Madiu 5

Pakurirana nevamwe

Ma wete 'omi gide mayale mebale'u weyahidi. Ceguma mayale tagabu, sahena walata 'oinega ta'ahu'ahu hetaluhi, ma hesi 'ebe lagu tabwanina talagu, ma hada mabwaiyana 'i'asilala. Wete gide 'eguma 'oya pwatana tahe'asa, geya sawasawahina ma 'asaina tadahwa. Comi wete gide, 'ilobwainegomiya ma 'imi 'asilala wa'abi he'asilala tomota 'oidiya, ma 'oinega 'imi paihowa bwebwe'ana si'ita ma Tamamiu galewa sihepwatuwe.

Ma wete 'omi gide mayale mebale'u weyahidi. Ceguma mayale tagabu, sahena walata 'oinega ta'ahu'ahu hetaluhi, ma hesi 'ebe lagu tabwanina talagu, ma hada mabwaiyana 'i'asilala. Wete gide 'eguma 'oya pwatana tahe'asa, geya sawasawahina ma 'asaina tadahwa.

Comi 'atemi 'ausaladi wayaliyaya, weyahina 'abwa Yehoba wa'ita.

Ma 'eguma 'omi mumuga 'ausalana nuwanuwami madouna wayaliyaya, beno 'abwa mumuga bwebwe'ana 'atemiya 'imadou.

Ma taugu yahegwaegomi 'ami 'alehao wahelauwedi, ma taudi si'abi hemuyemuyegomi weyahidi wa'ahwanoi Yehoba 'oina ma 'i'abihetedi.

Comi ma'imi nuwadobi wayaliyaya, weyahina Yehoba nimana wamiyamiya.

Comi to'abi henuwadaumwala wayaliyaya, weyahina Yehoba 'i'ahwa natunegomi.

Comi todou wete wayaliyaya, 'abwa Yehoba 'iheyaliyayegomi.

Ceguma 'omi 'imi paihowa bwebwe'ana weyahina tomota si'alehegomi, beno wayaliyaya weyahina Yehoba nimana wamiyamiya.

Ma 'omi to'atemuyamuya wayaliyaya, weyahina Yehoba wete 'i'atemuyamuyaegomi.

Ma 'eguma weyahigu tomota siloloheliwegomi, si'ale'alehegomi, ma 'idi 'abowega si'ahwa galegalegomi, wayaliyaya tuwa. Moisa 'ilobwainegomiya ma wayaliyaya madouna, weyahina 'abwa 'ami maisa bwebwe'ana galewa waloba. Ma 'omi gide Yehoba 'ina palopitao mwalo. Weyahina taudi wete 'idi miya mwau silobeya tomota 'oidiyega.

Comi 'imi mumuga nuhana, wayaliyaya weyahina 'abwa Yehoba bale'u mabwaiyana 'i'ebwaegomi.

Comi gide hola mebale'u weyahidi. Ma hesi 'eguma hola 'ina waiwai 'igumwala, geya sawasawahina ma 'ibwebwe'ana hila, 'oinega talogwahate ma tasiwa yahule 'eda 'oina.

Ma 'omi 'ilobwainegomiya ma mumugami 'ausalana mabwaiyana, gide Tamamiu galewa.

Ma hesi 'eguma gwae moisa, 'ugwae, “Moisa.” Ma 'eguma geya, 'ugwae “Geya.” Weyahina 'eguma gwae 'ulohepoi, beno Seitani 'oinega.

Loina nugenugetana wasanapu pwaiya, 'igwae, “Mata 'aigeda 'ana henimahila mata 'aigeda, ma sala 'ana henimahila sala 'aigeda.” Ma taugu yahegwaegomi 'abehega sahena wahenimahila, ma hesi 'eguma taiya 'ase'aseu 'ebeulanega 'isapi, sahena 'uhehenima hile, ma hesi 'ase'ase 'adigeyageyau wete 'utagwale ma 'isapi.

Ceguma mata 'ebeulauina 'ebubunega 'i'abihebe'ugo 'ilobwaineya 'ubwai yahule. Muya geya madouna 'eguma wahiu 'aigeda tuwa 'uloyahule, ma hesi muya madouna 'eguma matau weyahina Yehoba wahiu mabwaiyana 'iule suluhe 'asa 'ala'alatana* 'oina. Gide wete 'eguma nima 'ebeulauina 'ina paihowega 'i'abihebe'ugo 'ilobwaineya ma 'u'upwa yahule. Muya geya madouna 'eguma wahiu 'aigeda tuwa 'uloyahule, ma hesi muya madouna 'eguma nimau weyahina Yehoba wahiu mabwaiyana 'iulesuluhe 'asa 'ala'alatana 'oina.