Mavhesi emuBhaibheri Ane Mukurumbira kubva kuna METHIU 5

Pakurirana nevamwe

amanche achuw ingkho jaemi barengka buruk mangkhummah; changvakonchu jaemi asiihnii nache siika eensung aangkheng aennah.” Havi vaange neningna irengchu mee ae maana aenrasiing, amana chembe nenuw ing isa nong nentuchaap muae naka thangbaenna ong nenpachu manpah vaatae.

“Nenuw laaruw paam irengchu vachuw. Reenna om khuwruungchu ithuur rumah

“Barungriir ynthiing aechu bor aphapae, enuw ing Thangnang muvaatae!

‘Ichum ynthiing khaena venchaam chiilaar apha mee aechu bor aphapae, enuw ipendeh inche sipvaatae!’

Changvakonchu ki ing neningna kariirnah, ynjeehnii mee aechu nening mansiihruw, siraap ympiaechu bor piaeruw, ymbatir mee ae ningna isa turuw, yngensiimah ae vokhehkho ijachaam ympiae khaenache thampeeh aeruw.

“Laethana yntuur mee aechu bor aphapae, thangbaen paamchu enrutum vaata!

‘Idae omnii khaena nong atu aechu bor aphapae; enuwchu Thangnang siti tavaatae!’

‘Ichap ichuw mee aechu bor aphapae, enuw ing rotharoh phavaatae!’

‘Ichum ynthiing khaena ijachaam apha aechu bor aphapae, thangbaen paamchu enrutum vaata!’

‘Ningchuwh adeen mee aechu bor aphapae; enuw ing ningchuwhchu phavaatae!

‘Nentaklina mee ae ing ningjak ipiae naka vokhehkho imanang ae naka amanche isamah tangmah riir ae nave bor nenphava, akhaechuve nenuw i kaanuw ijiichu vachuw. Nenrotha manrohruw vokhehkho nungaesaruw, thangbaen nache nenphafhuw iruungpak omna, nemaana hesivasah Thangnang Jaephar aekho changche ijachaam emphava.’ ”

“Ynjuursah mee aechu bor aphapae, laaruw paam enrutum vaata!

“Nenuw laaruw paam bachii vachuw. Changvakonchu bachii inche achiiniichu omah nave, ynsaangkhe athar manchiicheh vatakhang? Chang-chii bachii chuve renmanuwka mee ae ing chiiniimah naka ikanii yntanga omah.”

Chukhaenache thangbaenna ong nenpa ing araarmah dehvaang nenuwkho raarmah dehruw.”

Chutahnache naru chong chuve ung tajaehtah amanche rumah taniive rumah ing tajaehtah; havi chungna athi ing ichong chuve ichamah suwhnii vatah.”

“Mik yngkheh changdenna mik yngkheh vokhehkho ha yngkheh changdenna ha yngkheh ichii chong i nenuw ing nensiipa.” Changvakonchu ki ing neningna kariirnah, nentaklina araar mee ningnakhe huwthung mahruw. Changvakonchu achuw yngkheh ing naabeeng tachangna eebeeng nave, paangkheh tingkho dura.

Namik tachang ing isii ting ababuknii vachii vanave iphernana ren; natak aangkheng longkong ting bukvanachii changve nataklitanii asae yngkheh omah ing nakhaena saksehna. Nakik tachang ing isii ting ibabuknii vachii vanave tennana ren; natak aangkheng longkong ting bukvanachii changve nataklitanii asae yngkheh omah ing nakhaena saksehna.”