Mavhesi emuBhaibheri Ane Mukurumbira kubva kuna Matiu 5

Pakurirana nevamwe

Ni amisareman, parina isimap amina me pakokor-erimik, weetak. Epa maneka-pa wuiwkin mua koora-pa ikemik nain maa urufimik. Naapeya niena sira eliwa nain-ke parina saarik, ariman akena wilinem-ikaeya emeria mua unowa niar urufikuan. Ne sira eliwa oniman nain niar urufap niena Niawi owow iinan-pa ikua nain unuma fakeruk.”

Ne ni miiw maneka fain parina saarik ikeman. Owowa ema iinan-pa ikua nain me pipilalep ikaiya.

Wi mua kema tumin marew Mua Maneka kemaiw ikemik nain, wi kemeluk. Ikoka Mua Maneka urufikuan.

Wi kakeniw ikowa kema manekiw ikemik nain wi kemeluk, wi kema tenikuan.

Nain aakisa yos-ke feenap nia maakiyem, niena iiwua wia kookaleka ne wi sirirowa niimik nain feenap oneka, Mua Maneka wia saliweya eliw ikauk naep o fareka.

Feenap wia maakek, “Wi emeria mua wiam porop Mua Maneka ooku naep onimik nain wi kemeluk. Moram wi Mua Maneka pika kemena-pa wiar ikaikuan.

Wi saria wiemi sira eliwa wia pokomowimik nain, wi kemeluk. Mua Maneka yena muuka-ke wia nainon.

Wi kema fufurarimik nain wi kemeluk. Ikoka Mua Maneka-ke wia saliwinon.

Wi mua Mua Maneka opora ookami sira eliwa onimik, ne mua papako-ke wia samoriwkin me piipuimik, wi nain kemeluk. Wi owow iinan Mua Maneka pika kemena-pa wiar ikaikuan.

Wi mua wia saliwowa kemaiw ikaimik nain, wi kemeluk. Mua Maneka pun wia saliwinon.

Ni yo muuta nain kema nia bagiwirap sirirowa sira-sira niemi wadol opora nia opawuk-na ni kemeleka. Ni sirirowa niimik nain iiriw wi profet pun naap wiem-ikemik. Naapeya nis pun kemelow manekiw ikeka, moram ni maa muuna maneka owow iinan-pa niar ikua, ikoka nia kiripominon,” naap wia maakek.

Wi mua kekelkiya ikaimik nain kemeluk. Miiwa unowa wis-keriw ikaikuan.

Aria Yeesus opora oko wia maakemi feenap anianiw wia kaisomak. “Ni miiwa-pa ikeman fain ifer masia saarik ikeman. Ifer masia-ke dabelalep masia ikiwinon-na kamenap oniwkin masia kiiriw imenarinon? Me pepek, dabela naap nain maa enowa-pa wuiwkin maa me afililinon. Naapeya wafuriwkin mua-ke soomaremi akup-ititikuan.

Naapeya ni sira kakeniw akena ikeka, niena Niawi owow iinan-pa ikaiya naap, naap akena ikeka.”

Ni opora maiman nain makeniya-na makena naep-pueka ne weetak, aa weetak naep-pueka. Muut naap maeka. Oram opora unowa aakunemi opora oko-ko onowen-na ni wadolalowen.”

“Aria iiriw kae sira feenap maiwkin ookam-ikeman, ‘Mua-ko nefa arufami mokoka nefar samorinok-na nos pun kiripami mokoka kuisow wiar samore. Ne mua-ko nefa arufami eneka kuisow nefar teekinok-na nos pun kiripami eneka kuisow wiar teeke,’ naap maem-ikemik. Nain aakisa yos-ke feenap nia maakiyem, mua-ko sira kamenap nefa oninok-na me kiripoma. Ne mua-ko kumunkura-pa nefa arufinok-na kireya okaiwi-pa eliw nefa arufinok.

Nena mokok okaiwi-ke sira samora onowa nefa mufinok-na pusunowap wafure! Mokoka okaiwi kuisow wafurowa eliw, oko mia ara unowa oram mukuna-pa yoowa aawinan. Ne oko, nena wapen okaiwi-ke pina onowa nefa mufinok-na wapena nain puukap wafure! Mia ara nain puukap wafurinan-na eliw, oko nain-ke sira samora-pa nefa mufeya epa samora-pa neeke sirirowa maneka aawem-ikainan.”