Mavhesi emuBhaibheri Ane Mukurumbira kubva kuna San Juan 2

Pakurirana nevamwe

Charo Galilea cheja cajoopo Caná vʉ'ejoopona Diochi'a cho'omasiche'te cho'osi'kʉa'mʉ Jesús, repaʉ aperʉmʉ cho'omanesi'e. Repaʉ masiche'te pãire cho'o ñoʉna chʉkʉna repaʉ neena na'a rʉa cuasasinaa'me repaʉ'te.

Chikona Jesús i'kasi'kʉa'mʉ. —Ja'ko, ¿je'se pa'iʉna chʉ'ʉni kʉako mʉ'ʉ? Chʉ'ʉ masiche cho'o ñorʉmʉ chuta'a tĩ'ama'mʉ —chiisi'kʉa'mʉ repaʉ.

Reparʉmʉ Jesús pĩsi ʉche cono ũkuanare ija'che i'kasi'kʉa'mʉ: —Ipʉã oko ro've timujʉ̃'ʉ —chiisi'kʉa'mʉ repaʉ. Chikʉna repapʉã oko ro've timusinaa'me repana. Reparʉmʉ Jesús repanare jo'e i'kasi'kʉa'mʉ. —Chura jmara'karʉ ea sa fiesta chʉ̃'ʉkʉni ũkuajʉ̃'ʉ —chiisi'kʉa'mʉ repaʉ repanare. Chikʉna repaʉ chʉ̃'ʉsi'e cho'osinaa'me repana.

Chitena Jesús i'kasi'kʉa'mʉ. —Ivʉ'ere mʉsanʉkonapi ñañosõru choteumucujña jo'e cho'o pi'nija'mʉ chʉ'ʉ —chiisi'kʉa'mʉ repaʉ.

Jã'aja'ñe cho'ojʉna ña Jesús pĩsipi ʉjame vãto pi'ni peochejñana suĩ'suekʉ etosi'kʉa'mʉ repanare pãina'me ovejana'me vaca. Ũcuachi'a kuri sa'ñena nee kurire're kʉni to'jñosõ mesako'ña sia po'ne ũhasi'kʉa'mʉ repaʉ. Jã'aja'ñe cho'o pi'ni ũkupova'nare ĩsinare ija'che i'kasi'kʉa'mʉ repaʉ: —Mʉsanʉkona neemajñarʉã etuajʉ̃'ʉ. Põse ĩsivʉ'e cho'ocheja'che cho'omanejʉ̃'ʉ chʉ'ʉ Ja'kʉ vʉ'e —chiisi'kʉa'mʉ repaʉ.